Ymunwch â menter y Bartneriaeth Awyr Agored i gael mwy o bobl anabl o bob oed o bob rhan o Gymru, i fod yn egnïol yn yr awyr agored.
Rydym yn herio pobl anabl, eu teulu a’u ffrindiau i roi cynnig ar weithgaredd antur awyr agored. Bydd y gweithgareddau’n cynnwys hwylio, canŵio, caiacio, padlfyrddio (SUP), dringo, cerdded bryniau, beicio, rhwyfo a llawer mwy.
Nod y fenter yw cynyddu cyfranogiad pobl anabl ym mhob un o’n ardaloedd. Yn 2014, dyfynnodd Chwaraeon Anabledd Cymru fod 24% o boblogaeth Cymru yn anabl, a dim ond 3.4% ohonynt sy’n cymryd rhan mewn chwaraeon a hamdden yng Ngogledd Cymru.
Ym mis Mawrth 2021, y Bartneriaeth Awyr Agored oedd y mudiad trydydd sector cyntaf i ennill Achrediad Arian Insport Chwaraeon Anabledd Cymru.
Mae’r rhaglen Clwb Insport yn rhan o’r prosiect insport ehangach a ddarperir gan Chwaraeon Anabledd Cymru, sy’n ceisio cefnogi’r sectorau gweithgarwch corfforol, chwaraeon a hamdden sy’n darparu’n gynhwysol i bobl anabl.
Bwriad Clwb Insport felly yw cefnogi clybiau i ddatblygu eu darpariaeth fel ei fod yn cynnwys pobl anabl â strwythurau clybiau sy’n darparu’r cyfleoedd gorau i’r gymuned, cynyddu cyfranogiad ac aelodaeth, galluogi rhannau mwy o’r gymuned i gymryd rhan mewn rôl lywodraethu wirfoddol, a pharhau i ddarparu chwaraeon gwych ledled Cymru.
I gael rhagor o wybodaeth neu i weld a yw eich clwb yn gymwys, ewch i wefan Chwaraeon Anabledd Cymru https://www.disabilitysportwales.com/en-gb/join-in/clubs
Addysg Gynhwysol i Hyfforddwyr
Ein nod yw cefnogi clybiau gweithgareddau awyr agored presennol yn y gymuned drwy drefnu a sybsideiddio hyfforddiant sy’n benodol i anabledd. Gall clybiau sydd â diddordeb mewn bod yn fwy cynhwysol ddatblygu’r clwb drwy weithio drwy’r achrediad insport gan Chwaraeon Anabledd Cymru (http://disabilitysportwales.com/resources/). Gall hyfforddiant gynnwys;
- Hyfforddiant Cynhwysiant Anabledd
- BCU Paddle-ability
- Dringo i Bawb
- Hwylio i Bawb
- Hyfforddi Beicwyr ag Anabledd (Lefel 2)
