Mae’r Bartneriaeth Awyr Agored yn gwmni elusennol partneriaeth gymunedol.
Ein nôd yw newid bywydau trwy weithgareddau awyr agored ac ysbrydoli pobl leol i gymryd rhan er budd iechyd, lles cymdeithasol a lles economaidd, boed trwy gyfranogiad, addysg, gwirfoddoli neu gyflogaeth.
Ffurfiwyd Y Bartneriaeth Awyr Agored yn 2004 i fynd i’r afael a’r datgysylltiad oedd yn bodoli yng ngogledd orllewin Cymru lle’r oedd cyfleoedd cyfyngedig i bobl leol gymryd rhan mewn gweithgareddau awyr agored.
Ers hynny, rydym wedi gweithio ar nifer o raglenni a phrosiectau sy’n ceisio goresgyn y rhwystrau sy’n atal pobl leol rhag cael mynediad at weithgareddau awyr agored lleol.
Bellach, mae’r Bartneriaeth Awyr Agored yn gweithio i gefnogi pobl Cymru ac ardaloedd eraill yn y DU i ymgymryd â gweithgareddau awyr agored fel gweithgaredd gydol oes.
Yn 2003 cynhaliwyd ymchwil gan Brifysgol Bangor ar dueddiadau pobl leol yng ngogledd orllewin Cymru yn y sector awyr agored. Darganfuwyd bod:
- Lefelau gwael o ymgysylltiad yn y sector ymhlith pobl leol
- Yn arwain at lefelau isel o gyflogaeth leol yn y diwydiant awyr agored
- A llai o ymgysylltu â chymunedau lleol
- Yn arwain at lefelau isel o gyfranogiad awyr agored ac ychydig iawn o glybiau lleol
Sefydlwyd felly y Bartneriaeth Awyr Agored yn 2004 gan ddod â sefydliadau’r sector cyhoeddus, y sector breifat a’r trydydd sector ynghyd i weithio’n fwy effeithiol yn y sector.
Ein gweledigaeth yw gwella iechyd a llês corfforol a meddyliol pobl, cynyddu elw economaidd, gan gynnwys cyflogaeth yn y sector yn lleol, a chodi gwerth cymdeithasol drwy gyfranogiad mewn gweithgareddau awyr agored megis Cerdded, Beicio, Dringo, Canŵio, Padlfyrddio, Hwylio a phob math o chwaraeon antur.
Ein ffocws yw canolbwyntio’n bennaf ar gyfranogiad llawr gwlad. Ond rydym yn gweithio mewn partneriaeth agos â Chyrff Llywodraethu Cenedlaethol (CLlC) i ddarparu llwybr datblygu effeithiol i gyfranogwyr ac hefyd i gefnogi gwaith y Cyrff.
Mae dull strategol y Bartneriaeth Awyr Agored yn rhagweld ‘Newidiad Cenhedlaeth’; ble mae ymgysylltu gyda gweithgareddau awyr agored yn arferol ac yn rhan o ffordd o fyw rheolaidd y boblogaeth leol.
O ganlyniad i’n gwaith hyd yma mae’r Bartneriaeth Awyr Agored a’n phartneriaid wedi nodi nifer o lwyddiannau a canlyniadau allweddol gan gynnwys sefydlu dros 100 o glybiau cymunedol newydd ac annog dros 13,000 o gyfranogwyr i fyny at 2018.
Gallwch weld ein Strategaeth gyflawn yma:
Erbyn 2015 cydnabuwyd gwaith y Bartneriaeth Awyr Agored yn genedlaethol fel enghraifft o arfer da. Roedd galw cynyddol am ein cymorth a’n harbenigedd mewn ardaloedd eraill yng Nghymru ac yn 2018 sicrhaodd y Bartneriaeth Awyr Agored grant gan y Gronfa Gymunedol Loteri – Pawb a’i Le i ymestyn ein gwaith i bob rhanbarth yng Nghymru:
- Gogledd Cymru
- Canolbarth Cymru
- Rhanbarth Bae Abertawe
- Gwent
- Canolbarth De Cymru
Erbyn 2019 cynigwyd grant gan Gronfa Gymunedol Loteri Genedlaethol – Portffolio’r DU oedd yn caniatáu i ni ymestyn ein gwaith i ardaloedd penodol eraill o fewn y DU.
Lloegr:
- Arfordir Cumbria
- Arfordir Gogledd Swydd Efrog
- Plymouth
- Coventry
Yr Alban:
- Swydd Ayr
Gogledd Iwerddon:
- De-ddwyrain (Dinas Armagh, Banbridge a Craigavon, Ards a North Down, Newry, Morne a Down)
- Y Sperrins (ANOB O fewn rhannau o Causeway Coast & Glens, Derry & Strabane, Fermanagh & Omagh a Mid Ulster)
***** Newydd ar gyfer 2025 *****
Yn ystod 2025 bydd y Bartneriaeth Awyr Agored yn ychwanegu ardal newydd yn Lloegr diolch i gyllid ychwanegol gan Sports England.
Mae gennym Swyddog Datblygu Gweithgareddau Awyr Agored penodedig ym mhob rhanbarth a fydd yn gweithio ar wahanol brosiectau, gyda chlybiau a grwpiau cymunedol, ysgolion, unigolion ac arbenigwyr i gynyddu cyfleoedd i bobl gyflawni eu potensial trwy weithgareddau awyr agored.
Rydym yn gweithio ar chwe thema graidd:
