Mae hi wedi arwain y sefydliad o fod yn gorff anghorfforedig bach i fod yn gwmni elusennol uchel ei barch yn genedlaethol, gan wella iechyd a lles cymdeithasol nifer o  gymunedau a miloedd o unigolion ledled gwledydd Prydain. Yn ogystal â’i hangerdd tuag at yr awyr agored, mae Tracey yn dod â chyfoeth o brofiad i’w rôl trwy ei chyfraniad gydol oes mewn chwaraeon. Mae ganddi gefndir proffesiynol mewn datblygu chwaraeon ac mae wedi cynrychioli Cymru fel perfformiwr elitaidd gan ennill medal yng ngemau’r Gymanwlad. Y tu allan i’r gwaith mae Tracey yn mwynhau rhedeg, sgïo, cerdded mynyddoedd, rhwyfo a seiclo.

Mae hi’n gwirfoddoli fel aelod o Bwyllgor Ymgynghori’r Diwydiant  Gweithgareddau Anturus yn ogystal â bod yn aelod o Fwrdd Awdurdod Parc Cenedlaethol Eryri, a benodwyd gan Lywodraeth Cymru.

Mae wedi cyd-weithio gydag Iechyd Cyhoeddus Cymru a’r GIC ar brosiectau iechyd a chynlluniau atgyfeirio.Mae wedi llwyddo i gael gwerth miloedd o bunnoedd o grantiau ar gyfer prosiectau cyfalaf gan gynnwys adeiladu storfeydd ar gyfer nifer o glybiau awyr agored yn ogystal â gwella mynediad at ddŵr a darparu gweithgareddau awyr agored i drigolion gogledd orllewin Cymru.

Cyn ymuno â’r Bartneriaeth Awyr Agored, roedd gan Mark dros 10 mlynedd o brofiad o weithio llawn amser fel hyfforddwr llawrydd mewn canolfannau awyr agored ar draws gogledd Cymru. Mae yn dal y cymwysterau Hyfforddwr mynydd a dringo, Ardystiad Dŵr Cymedrol Lefel 2 UKCC, Arweinydd Beicio Llwybrau, ac mae’n un o’r ychydig hyfforddwyr Cymorth Cyntaf REC sy’n siarad Cymraeg.

Yn ei swydd newydd fel Rheolwr Prosiect y Bartneriaeth Awyr Agored, mi fydd Mark yn arwain ar brosiect i rannu ethos a llwyddiant yr elusen mewn mannau eraill ym Mhrydain. Mae hwn yn rhan o brosiect 7 mlynedd o hyd gyda’r teitl ‘Agor y Drws i’r Awyr Agored’, a ariennir gan Gronfa Gymunedol y Loteri Fawr.

Pan nad yw yn ei waith, mae Mark yn mwynhau cerdded mynyddoedd, padlo, beicio mynydd, sgïo ac eirafyrddio.

Mae Elin yn chwarae rhan ganolog o reoli a monitro ein incwm a gwariant yn flynyddol. Gyda gwybodaeth a phrofiad helaeth o’r system rheoli SAGE, mae hi hefyd â chymhwyster AAT Lefel 4.

Ar yr adegau ble nad ydi hi wedi’i chladdu dan dwmpath o anfonebau, mae Elin yn mwynhau profi gwahanol ddiwylliannau ar ei theithiau (pan mae hi’n gallu dod o hyd i’w phasbort 😊), cymdeithasu gyda’i ffrindiau a chanu efo’i chôr lleol. Mae Elin hefyd yn mwynhau cerdded, yn enwedig os oes tafarn ar ddiwedd y daith.

Mae anturiaethau awyr agored wedi bod yn rhan o bywyd Mali ers y cychwyn. Yn benodol, mae hi’n mwynhau cerdded mynyddoedd, rhedeg, a sgïo, ac yn caru teithio. Roedd Mali hyd yn oed yn rhan o rai o glybiau cyntaf Y Bartneriaeth Awyr Agored fel plentyn. Yn angerddol am yr effaith anghygoel y gall gweithgareddau awyr agored ei chael ar les corfforol a meddyliol pawb, mae hi’n ymroddedig i gefnogi pob agwedd o waith Y Bartneriaeth Awyr Agored er mwyn gydlynu’r busnes yn effeithiol.

Ar ôl cael ei magu yn Ucheldir yr Alban mae Victoria wedi bod yn ymwneud â gweithgareddau awyr agored o oedran ifanc fel sgïo, cerdded mynyddoedd, beicio a chanŵio ac mae wrth ei bodd yn ymweld â’r Alban yn rheolaidd. Yn rhedwr brwd mae’n cymryd rhan yn rheolaidd mewn llawer o rasys, rhediadau bryniau ac mae wedi gwneud rhai marathonau. Nid yw Victoria’n mwynhau dim mwy na chael anturiaethau i’r traethau, coedwigoedd a bryniau hardd niferus o amgylch County Down. Mae hi hefyd yn hoffi archwilio lleoedd newydd ar dripiau gwersylla teuluol – yn ddelfrydol rhywle ger traeth lle gall nofio, padlfyrddio neu syrffio!

Tra’n gweithio fel hyfforddwr mae Sam wedi rhoi cynnig ar y rhan fwyaf o weithgareddau awyr agored ond ei ffefryn yw ogofau ac mae’n well ganddo fod o dan y ddaear, oni bai ei bod hi’n bwrw glaw,  Yr amser hynny mae’n tueddu i fynd i’r wal bowldro leol.

Tra’n gweithio fel hyfforddwr mae Sam fwyaf hoff o gael pobl o gefndiroedd amrywiol i drio gweithgareddau na fyddent fel arfer yn cael cyfle i roi cynnig arni. Mae Sam wedi gweld y buddion y gall y gweithgareddau hyn eu rhoi i fywydau pobl ac mae’n edrych ymlaen yn fawr at wneud mwy o hyn yn ei swydd newydd.

Ar wahân i weithgareddau awyr agored, mae Sam yn mwynhau treulio amser yn ei sied yn rhoi cynnig ar ychydig o DIY, mynd i gigs, a choginio ar y BBQ.

Tan yn ddiweddar Sarah oedd swyddog datblygu Gorllewin Canolbarth Lloegr ar gyfer y Cyngor Dysgu y Tu Allan i’r Ystafell Ddosbarth, yn gweithio gydag ysgolion i gefnogi llês myfyrwyr trwy gysylltiad â natur ac ymgorffori dysgu y tu hwnt i’r cyfleoedd ystafell ddosbarth wrth gyflwyno’r cwricwlwm bob dydd.

Mae Sarah yn aelod o’r Panel Ymgynghorwyr Addysg Awyr Agored, wedi cadeirio rhanbarth Canolbarth Lloegr am 6 mlynedd ac yn parhau i fod yn aelod gweithgar o weithgorau dynodedig.

Fel gweithiwr awyr agored proffesiynol cymwysedig, mae Sarah yn angerddol am wneud gweithgaredd awyr agored yn hygyrch i bawb. Mae agor llwybrau i weithgareddau awyr agored i holl gymunedau Coventry yn gyfle cyffrous i ddatbygu rhaglenni’r Bartneriaeth Awyr Agored.

Yn ei hamser hamdden, mae Sarah yn mwynhau crwydro’r wlad gyda’i gŵr yn eu camperfan, gan ddod o hyd i antur ble bynnag y maent yn mynd.

Mae wedi bod yn hyfforddwr dingi RYA ac yn arolygydd canolfan RYA ers dros 20 mlynedd, ac mae’n meddu ar gymhwyster hyfforddwr Uwch RYA a chymwysterau hyfforddwr dingi, cilfadau, multihull, hyfforddi rasio, cychod pŵer, hwylfyrddio a chymorth cyntaf, ynghyd â chymwysterau hyfforddi caiaco BCU. Mae hefyd wedi hwylio cychod ledled y byd gan gymryd rhan mewn rhai o’r rasys cychod hwylio eiconig.

Dros y 10 mlynedd diwethaf. Mae Stuart wedi bod yn gweithio ym maes gwaith ieuenctid a datblygu cymunedol, gan alluogi sefydliadau lleol i ddatblygu a chyflawni eu huchelgeisiau, gyda chymorth ariannol, cysylltiadau, rhwydweithio ac eirioli ar gyfer y sector gwirfoddol a chymunedol yn ardal Plymouth.

Symudodd Stuart a’i deulu i Plymouth 20 mlynedd yn ôl, ac mae ei deulu’n rhannu ei angerdd at yr awyr agored, ac mae eu gwyliau teuluol yn cynnwys cerdded, beicio mynydd, sgïo a dringo yn yr Alpau, padlo’r afonydd lleol a rasio eu cychod gyda clybiau lleol. Y tu allan i chwaraeon anturus, mae Stuart yn gefnogwr enfawr o bêl-droed Americanaidd.

Mae Gary yn edrych ymlaen at ddatblygu cyfleoedd awyr agored o fewn ardal Sperrins a gweld cymunedau lleol yn ffynnu ac yn tyfu gan ddefnyddio adnoddau naturiol anhygoel y Sperrins.
Mae Gary yn angerddol  am unrhyw beth yn ymwneud â beicio. Wedi ei fagu yn ardal y Gortin Glens, treuliodd ei ieuenctid yn crwydro yn y goedwig ar ei feic, yn dod o hyd i bethau i neidio oddi arnynt! Mae wedi cystadlu mewn amryw o ddisgyblaethau beicio, yn teithio ar draws Ewrop a thu hwnt. Ei brif ddiddordeb bellach yw beicio mynydd enduro; mae hyn wedi caniatáu iddo fanteisio’n llawn ar y rhwydwaith llwybrau MTB sydd gan Sperrins i’w gynnig. Yn ddiweddar, gorffennodd yn 3ydd yn ras 5 diwrnod Trans Madeira 2022 ac mae’n edrych ymlaen at gystadlu mewn mwy o ddigwyddiadau rasio aml-ddiwrnod yn y dyfodol.

Mae Leila yn meddu ar Wobr Arweinydd Mynydd, Gwobr Dringen Sengl, Arweinydd mewn Ogof, hyfforddwr Lefel 2 UKCC BCU mewn chwaraeon dŵr fel caiac mewndirol, caiac môr, canŵ a SUP ac mae’n Arweinydd Ysgol Goedwig. Y tu allan i’r gwaith mae Leila yn mwynhau treulio amser yn rhedeg llwybrau, beicio mynydd, syrffio a chael anturiaethau gyda’i theulu. Yn ei rhôl fel Swyddog Datblygu Gweithgareddau Awyr Agored, mae hi wrth ei bodd â’r syniad o geisio helpu’r Bartneriaeth Awyr Agored i gyflawni eu gweledigaeth o fod yn lud sy’n dod â phopeth at ei gilydd, gan helpu i uno cymunedau lleol a chreu defnydd cynaliadwy a gwell dealltwriaeth o’r amgylchedd.

Dros amser, mae Bethan wedi gweld pa mor bwysig, a hyd yn oed hanfodol, y gall cymryd rhan mewn gweithgareddau awyr agored fod er lles pobl a’u hiechyd corfforol ac mae’n awyddus i weithio’n galed i sicrhau bod gan fwy o bobl yng nghanolbarth Cymru fynediad at y buddion hyn.

Mae Bethan yn meddu ar gymwysterau Arweinydd Mynydd a Hyfforddwr Dringo yn ogystal â chymwysterau eraill mewn chwaraeon padlo, ogofau a chyfeiriannu. Ar hyn o bryd mae’n gweithio tuag at ei Gwobr Hyfforddwr Datblygu Dringo. Mae hi’n gyfarwyddwr cofrestredig o wobrau a chyrsiau dringo a cherdded bryniau ar gyfer Mountain Training ac mae’n diwtor ar gyfer cyrsiau cyfeiriannu NNAS.

Pan nad yw Bethan yn ei gwaith, mae hi’n mwynhau rhyw fath o wyliau gweithio gan ddringo, cerdded bryniau, rhedeg a seiclo o amgylch y DU yn ogystal â rhoi ei sach teithio ymlaen a mynd ar deithiau hir o amgylch Ewrop, gyda’r Pyrenees yn ffefryn iddi. Yn fwy diweddar, mae ei hanturiaethau wedi cynnwys gwasgu dau berson a dau filgi bach i mewn i fan ac archwilio ynysoedd o amgylch y DU a hefo packraft ar ei chefn.

Mae Brett yn frwd dros gefnogi’r rhai sy’n wynebu rhwystrau sylweddol i gael mynediad i weithgareddau awyr agored i brofi’r manteision iechyd a lles cadarnhaol a ddaw yn sgil ymgysylltu. Mae wedi bod yn datblygu rhaglen “Agor y Drysau i’r Awyr Agored” yng Ngwent ers mis Mehefin 2021 gyda phwyslais ar brosiectau sy’n seiliedig ar Iechyd a Lles, Cynhwysiant a Chyflogadwyedd.
Y tu allan i’r gwaith, mae Brett yn mwynhau archwilio byd natur gyda’i deulu. Mae’n rhedwr disgyn ac yn dringwr brwd, ac mae ganddo gymwysterau Arweinydd Mynydd a Hyfforddwr Dringo Creigiau. Mae Brett hefyd yn aelod o Dîm Achub Mynydd Longtown sy’n gwasanaethu ardal Mynyddoedd Duon Parc Cenedlaethol Bannau Brycheiniog.

Ar hyn o bryd mae’n aelod o grŵp cynghori dŵr agored gyda Nofio Cymru ac yn gwirfoddoli i’r RNLI. Yn ei hamser hamdden, mae’n mwynhau Nofio Dŵr Agored ar ei thraethau a’i llynnoedd lleol, Rhedeg Llwybr mewn coedwigoedd lleol a Heicio gyda’i chŵn.

Mae Sioned yn frwd dros sicrhau bod llais pawb yn cael ei glywed ac yn edrych ymlaen at ddechrau yn ei rôl.

Mae wedi ymwneud â phob math o chwaraeon o oedran cynnar, gan gymryd rhan, cystadlu a hyfforddi eraill hyd at safon genedlaethol. Mae’n meddu ar nifer o wobrau’r Cyrff Llywodraethu Cenedlaethol a phan nad yw’n gweithio, mae’n treulio’i amser yn syrffio, dringo, beicio mynydd, sgïo alpaidd a sgïo teithiol.

Cyn hyn bu Vince yn gweithio fel gweithiwr cymunedol mewn ysgolion cynradd yn ogystal â gweithio yn y maes hamdden a datblygu chwaraeon.

Mae Vince yn edrych ymlaen at weithio ar draws y tri awdurdod lleol yn Ayrshire i ddatblygu’r rhaglen “Drysau i’r Awyr Agored” drwy ddatblygu gweithgareddau awyr agored a chefnogi clybiau, ysgolion a grwpiau ieuenctid ar draws y sir.

Mae wedi bod yn aelod o’r RNLI gyda bad achub Troon dros y 15 mlynedd diwethaf. Mae’n llongwr, rhwyfwr a cherddwr brwd ac mae ganddo gymhwyster Arweinydd Grwpiau Cerdded a chymhwyster morwr arfordirol yr RYA.

Dechreuodd gymryd rhan mewn gweithgareddau fel hwylio a chanwio yn ei arddegau cynnar. Tra’n astudio am radd mewn Rheolaeth Twristiaeth ym Mhrifysgol Aberystwyth, darganfododd angerdd am Sgio ac ers hynny mae wedi llwyddo i gael cymhwyster BASI Alpine Level 1.

Mae Tomos yn hoff o gael profiadau newydd. Mae wedi teithio i lawer o wledydd yn cynnwys cyfnod estynedig yn trafeilio trwy De Orllewin Asia, Awstralia a Zeland Newydd. Yn ei amser hamdden, mae Tomos yn hoff o gerdded yn Eryri, hwylio neu seiclo. Mae o hefyd yn hoff iawn o chwarae gitar, coginio a chymdeithasu gyda ffrindiau a theulu.

Yn ei rol fel Swyddog Datblygu Gweithgareddau Awyr Agored, mae Tomos yn edrych ymlaen yn fawr i weithio gyda’r Bartneriaeth, ac i barhau i gynnig profiadau a chyfleoedd yn yr awyr agored i drigolion Gwynedd.

Mae ganddi sawl cymhwyster awyr agored – gan gynnwys Saethyddiaeth, Hyfforddwr Nofio a SUP ac Arweinydd Tir Isel – ynghyd ag ychydig o rai ffitrwydd a lles a gasglwyd ar hyd y ffordd i gefnogi prosiectau lleol. Mae gan Molly hefyd radd Meistr mewn Marchnata Digidol a Dadansoddeg Data, ac yn 2024 sefydlodd ei hymgynghorwyr creadigol ei hun i helpu sefydliadau sy’n canolbwyntio ar y gymuned i gyfathrebu’n well a chysylltu’n ddyfnach â’r bobl maen nhw’n eu gwasanaethu.

Er ei bod wedi’i lleoli yn Arfordir Cumbria ers 2018, tyfodd Molly i fyny mewn teulu milwrol – gan gynnwys dau gyfnod yn Cyprus, lle’r oedd pen-glinio, sgïo dŵr, wakeboarding a nofio mewn dŵr agored yn fywyd bob dydd. Ar ôl byw mewn 21 o dai erbyn iddi droi’n 21 oed, Cumbria yw’r hiraf y mae hi erioed wedi aros yn unman – ac mae bellach yn wir yn lle y mae hi’n ei alw’n gartref.

Yn credu’n gryf mewn bod yn lleol, helpodd Molly i sefydlu parkrun Castell Muncaster ac mae bellach yn cydlynu’r gwirfoddolwyr yn wythnosol. Mae hi hefyd yn ymddiriedolwr yn Neuadd Rydal, lle mae hi’n arwain ar lywodraethu ac yn cefnogi ffyrdd i fwy o bobl gael mynediad at yr awyr agored trwy’r ganolfan. Pan nad yw hi’n gwisgo un o’i hetiau gwaith niferus, fe welwch chi hi fel arfer ar feic, yn y dŵr, neu ar antur yn ei champavan, GG, gyda’i phartner Dan.

Mae Molly yn angerddol am ddod o hyd i ffyrdd creadigol ac ymarferol o helpu ei chymuned i gael mynediad at fwy o gyfleoedd – yn enwedig unrhyw beth egnïol ac awyr agored. Mae hi bob amser yn hapus i gwrdd â phobl newydd, rhannu syniadau a chael sgwrs.

Mae Ailish yn treulio’r rhan fwyaf o’i hamser hamdden yn archwilio tirweddau amrywiol Gogledd Cymru gyda’i chi; nofio gwyllt, heicio mynyddoedd, padlfyrddio, a gwersylla. Mae Ailish wedi cael profiad uniongyrchol o fanteision prosiectau’r Bartneriaeth Awyr Agored ac mae’n hynod angerddol am wella profiadau i gymunedau lleol a chysylltu pobl â byd natur.

Mae gan Freya angerdd gydol oes dros yr awyr agored, ar ôl tyfu i fyny yn hwylio a syrffio o oedran ifanc cyn mynd ymlaen i ddysgu’r dau gamp mewn amrywiaeth o leoliadau arfordirol a mewndirol. Mae ei chariad at antur wedi’i harwain ar draws Ewrop, lle cynhaliodd wyliau hwylio ym Môr y Canoldir a thymhorau sgïo yn yr Alpau.

Mae ganddi radd mewn Gwyddor Chwaraeon Antur a gradd Meistr mewn Seicoleg Chwaraeon ac Ymarfer Corff, gyda diddordeb arbennig mewn archwilio’r cymhellion a’r ymddygiadau y tu ôl i iechyd a lles. Mae Freya yn cyfuno mewnwelediad academaidd â phrofiad ymarferol i greu cyfleoedd ystyrlon a hygyrch i eraill fynd allan a bod yn egnïol.

Ar hyn o bryd mae Freya yn gweithio i Gyngor Ynys Môn fel Swyddog Datblygu Chwaraeon Cymunedol, gan ganolbwyntio ar weithgareddau awyr agored a’r rhaglen Nofio’n Ddiogel. Mae hi’n arbennig o angerddol am gysylltu pobl â natur a meithrin hyder trwy brosiectau cynhwysol, sy’n cael eu gyrru gan y gymuned.

Yn fwy diweddar, mae hi wedi bod yn mwynhau her dringo traddodiadol, gan ychwanegu at ei sgiliau cynyddol o weithgareddau awyr agored. Y tu allan i’r gwaith, fe welwch chi hi fel arfer yn cerdded drwy’r bryniau, yn nofio mewn dyfroedd gwyllt, neu’n mwynhau un o’i hoff bleserau syml: panad hefo golygfa.

Gweithiodd Laura ar raglenni Cerdded Lles (Health Walks) ddwywaith, unwaith gyda Natural England ac hefyd gyda elusen y Ramblers, gan helpu pobl i symud mwy a darganfod eu hamgylcheddau lleol tra’n ymladd yn erbyn unigrwydd ac yn gwella eu iechyd corfforol. Canolbwyntiodd rôl Laura yn Cycling UK ar gefnogi gwirfoddolwyr i ymgyrchu dros eu hawliau fel beicwyr, yn ogystal â gwella seilwaith er mwyn helpu bobl i deimlo’n fwy hyderus wrth feicio, deall eu hawliau a chadw’n ddiogel.

Am 9 mlynedd, gweithiodd hi i Sport in Mind, elusen iechyd meddwl a oedd yn cysylltu’r rhai gyda problemau iechyd meddwl gyda symudiad, gan arwain yr ymdrech i ehangu’r elusen i Dde Cymru. Nid yn unig y helpodd rôl Laura i wella dealltwriaeth o fanteision symudiad ar ein lles o fewn y Gwasanaeth Iechyd Gwladol (GIG) a gyda gweithwyr proffesiynol eraill o fewn iechyd, ond hefyd i ddatblygu sesiynau chwaraeon ac ymarfer corff wythnosol hygyrch, wedi’u cynllunio gan ddefnyddwyr ac wedi’u canolbwyntio ar fod yn hwyl, cyfeillgar, diogel ac yn gefnogol.

Roedd rôl ddiweddaraf Laura yn gweithio’n un-i-un mewn lleoliad ysgol awyr agored. Mwynhaodd gefnogi pobl ifanc i oresgyn yr heriau a wynebent mewn ysgolion cyffredin. Canolbwyntiodd ei waith ar helpu dysgwyr i ymgysylltu â’r byd naturiol – dringo coed, coginio yn yr awyr agored, a chreu cuddleoedd, wrth ddysgu o’r holl profiadau hyn.

Mae Laura wrth ei bodd yn rhedeg ar draciau, canfod metel, nofio yn y môr, ac mae’n caru bod y tu allan cyn gymaint â phosibl, gan symud i Devon er mwyn treulio hyd yn oed mwy o amser y tu allan yn archwilio.