Mae’r Bartneriaeth Awyr Agored yn gweithio gyda chlybiau, ysgolion, unigolion, a phartneriaid traws-sector i gryfhau’r amodau sy’n galluogi pobl yn Arfordir Cumbria i gyflawni eu potensial drwy weithgareddau awyr agored, cyfranogiad, gwirfoddoli, hyfforddiant ac addysg.
Molly yw ein Swyddog Datblygu Gweithgareddau Awyr Agored yn Arfordir Cumbria.
Os hoffech wybod mwy, neu os ydych yn glwb gweithgareddau awyr agored sydd â diddordeb mewn cymryd rhan, cysylltwch â Molly ar 07516 507357 neu molly.campion@outdoorpartnership.co.uk.
Gallwch hefyd gadw i fyny gyda’r diweddaraf drwy ddilyn cyfrifon cyfryngau cymdeithasol Coastal Cumbria:
Facebook
Instagram
Mae Y Bartneriaeth Awyr Agored wedi bod yn dod â phobl a sefydliadau ynghyd ledled Arfordir Cumbria i greu mwy o gyfleoedd ac effaith barhaol. Dyma gipolwg cyflym ar yr hyn rydym wedi’i gyflawni’n ddiweddar…
Defnyddio dringo i gefnogi menywod sy’n wynebu rhwystrau iechyd.
Mae ‘REACH Women’ yn defnyddio dringo fel ffordd o gefnogi menywod sy’n wynebu rhwystrau sy’n gysylltiedig â’u hiechyd, gan gynnwys trawma gynaecolegol a heriau iechyd hormonaidd. Trwy raglenni dringo i ddechreuwyr mewn grwpiau bach, mae cyfranogwyr yn dysgu sgiliau newydd gyda’i gilydd, yn magu hyder, yn creu cysylltiadau ystyrlon ac yn datblygu perthynas gadarnhaol â bod yn actif. Ar ôl cwblhau’r rhaglen, mae cyfleoedd iddynt barhau i fwynhau dringo a’r buddion sy’n deillio ohono.
Eisiau dysgu mwy? Cysylltwch ag Abby ar info@reachwomenclimbing.org.
Defnyddio addysg arfordirol a gweithgareddau traeth i greu mwy o gyfleoedd hygyrch i deuluoedd fwynhau’r awyr agored.
Mae ‘Open Shores’ yn defnyddio gweithgareddau ymarferol a hamddenol ar y traeth ac ar hyd yr arfordir i gefnogi plant a theuluoedd a all wynebu rhwystrau i gymryd rhan mewn cyfleoedd awyr agored traddodiadol, gan gynnwys plant a theuluoedd niwrowahanol. Mae’r sesiynau’n defnyddio’r arfordir fel man i archwilio, chwarae, dysgu a magu hyder, tra bod ein gwaith datblygu ehangach yn helpu ymarferwyr cymunedol i feithrin y sgiliau a’r hyder i gynnig cyfleoedd tebyg yn eu cymunedau eu hunain.
Eisiau dysgu mwy? Cysylltwch â Molly Campion ar molly.campion@outdoorpartnership.co.uk.
Helpu teuluoedd i fwynhau canŵio ar ddyfroedd llanwol Ravenglass Estuary.
Mae priosect Llanwau’r Gorllewin yn cynnig sesiynau canŵio cyflwyniadol mewn grwpiau bach, gyda chefnogaeth lawn, i deuluoedd sy’n gynebu rhwystrau ariannol, cymdeithasol neu rwystrau eraill i gymryd rhan mewn gweithgareddau awyr agored. Gan weithio mewn partneriaeth â sefydliadau cymorth i deuluoedd a grwpiau cymunedol, rydym yn cyflwyno teuluoedd i badlo yn Ravenglass Estuary ac yn eu helpu i gael mynediad at ragor o gyfleoedd i fwynhau’r awyr agored ar hyd Arfordir y Gorllewin.
Mae Llwybrau Darganfod yn dod â theuluoedd sy’n addysgu eu plant gartref ynghyd mewn lleoliadau amrywiol ledled Arfordir Cumbria ar gyfer sesiynau ymarferol sy’n archwilio ecoleg, bywyd gwyllt, daearyddiaeth a’r dirwedd leol. Yn ogystal â darparu cyfleoedd addysgol fforddiadwy, mae’r rhaglen yn helpu teuluoedd i gwrdd ag eraill, darganfod mannau awyr agored newydd a chysylltu â chyfleoedd cymunedol a gwirfoddoli ehangach.
Eisiau dysgu mwy? Cysylltwch ag Anja ar anja@taletrails.co.uk.
Defnyddio pysgota dŵr croyw a physgota môr i ymgysylltu â phobl ifanc a chreu llwybr at gyfranogiad hirdymor.
Mae ‘Ofcourse We Wish’ yn cyflwyno pobl ifanc, yn enwedig bechgyn 11 i 16 oed, i bysgota dŵr croyw a physgota môr drwy sesiynau gyda chefnogaeth clybiau lleol, gwirfoddolwyr a sefydliadau ieuenctid. Yn ogystal â dysgu sgiliau pysgota ymarferol, nod y prosiect yw helpu pobl ifanc i feithrin cysylltiadau â chlybiau lleol a darganfod gweithgaredd awyr agored fforddiadwy y gallant barhau i’w fwynhau’n annibynnol.
Eisiau dysgu mwy? Cysylltwch â Molly ar molly.campion@outdoorpartnership.co.uk.
Defnyddio gweithgareddau awyr agored i feithrin sgiliau, hyder a chysylltiadau i ffoaduriaid a cheiswyr lloches.
Mae ‘ReRoute’ yn gweithio ochr yn ochr â phartneriaid ailsefydlu a sefydliadau cymunedol i helpu ffoaduriaid a cheiswyr lloches i gael mynediad at weithgareddau awyr agored ac i ddatblygu sgiliau ymarferol, megis llywio a chael mynediad diogel i gefn gwlad. Mae’r rhaglen hefyd yn creu cyfleoedd i wirfoddoli, hyfforddi, ennill cymwysterau a manteisio ar gyfleoedd ehangach o fewn y gymuned awyr agored leol.
Eisiau dysgu mwy? Cysylltwch â Molly ar molly.campion@outdoorpartnership.co.uk.
Cyflwyniad cefnogol i redeg llwybrau i fenywod yn Whitehaven.
Mae ‘She Runs’ yn rhaglen Couch to 5K i fenywod yn unig, sydd wedi’i chynllunio ar gyfer dechreuwyr a menywod sy’n dychwelyd at weithgarwch corfforol. Drwy raglen strwythuredig, mae cyfranogwyr yn datblygu eu gallu i redeg llwybrau yn raddol, gan feithrin hyder, gwneud ffrindiau newydd a datblygu’r sgiliau sydd eu hangen i barhau i redeg y tu hwnt i’r sesiynau cefnogol.
Eisiau dysgu mwy? Cysylltwch â Mel ar info@duenorthevents.com.
Helpu menywod i ddatblygu’r hyder a’r sgiliau ymarferol i fwynhau’r bryniau.
Mae Sgiliau’r Bryniau i Fenwyod yn cyfuno teithiau cerdded cefnogol mewn grwpiau â chyfleoedd i ddysgu sgiliau ymarferol a meithrin hyder yn yr awyr agored. Mae’r rhaglen yn helpu menywod i ddatblygu’r wybodaeth, y cysylltiadau a’r profiad sydd eu hangen arnynt i symud ymlaen o sesiynau â chymorth tuag at fwynhau’r bryniau yn fwy annibynnol.
Eisiau dysgu mwy? Cysylltwch ag Esther ar ask@estherfoster.com.
Cysylltu ysgolion, sefydliadau cymunedol ac ymarferwyr awyr agored ledled Gorllewin Cumbria.
Mae Rhwydwaith Dysgu Awyr Agored Arfordir y Gorllewin yn dod â phobl ynghyd sy’n defnyddio dysgu yn yr awyr agored gyda phlant a phobl ifanc ar draws y rhanbarth. Trwy gyfleoedd rhwydweithio, datblygiad proffesiynol parhaus ymarferol a dysgu ar y cyd, rydym yn helpu ysgolion a sefydliadau i ddatblygu sgiliau, meithrin cysylltiadau lleol a chreu mwy o gyfleoedd i blant a phobl ifanc ddysgu yn yr awyr agored.
Eisiau dysgu mwy? Cysylltwch â Gina ar gina@littlechatters.co.uk.
Yn ogystal â’n rhaglenni datblygu, rydym yn gweithio gyda chlybiau awyr agored lleol a’u gwirfoddolwyr i gryfhau’r ddarpariaeth awyr agored yn y gymuned. Gall y gefnogaeth hon gynnwys addysg a chymwysterau hyfforddwyr, datblygu gwirfoddolwyr, darparu offer, hyrwyddo cynhwysiant, cefnogi cyfranogiad ieuenctid, llywodraethu, a chreu cysylltiadau cryfach rhwng clybiau a’u cymunedau lleol.
Clybiau Awyr Agored sy’n Gysylltiedig â Chyrff Llywodraethu Cenedlaethol (NGB) rydym yn eu cefnogi yn 2026-2027:
- Derwent Water Marina
- Bassenthwaite Sailing Club
- West Cumberland Orienteering Club
- Copeland Canoe Club
- Duddon Canoe Club
I ddysgu mwy am y clybiau rydym yn eu cefnogi, ewch i’n tudalen Clybiau.
Ymchwil a Mewnwelediad
Mae ein gwaith datblygu yn seiliedig ar fewnwelediad lleol, sgyrsiau â chymunedau a phartneriaid, ac ymchwil ehangach i gyfranogiad yn yr awyr agored, iechyd, llesiant a mynediad at gyfleoedd.
