Mae Rhaglen Antur Gofalwyr Ifanc yn defnyddio antur awyr agored fel catalydd i wella lles, meithrin gwydnwch ac atgyfnerthu rhwydweithiau cymorth i ofalwyr di-dâl. Er bod darparu seibiannau byr o ansawdd uchel yn parhau’n rhan bwysig o’r rhaglen, ein nod ehangach yw mynd i’r afael â’r rhwystrau systemig sy’n aml yn atal gofalwyr ifanc rhag cael mynediad at gyfleoedd hamdden, datblygiad personol a chysylltiadau cymdeithasol.
Trwy weithio mewn partneriaeth â gwasanaethau gofalwyr, awdurdodau lleol, darparwyr iechyd, ysgolion a sefydliadau cymunedol, rydym yn helpu ymgorffori gweithgareddau awyr agored o fewn y system gymorth ehangach sydd ar gael i ofalwyr ifanc. Mae hyn yn creu llwybrau cynaliadwy i gyfranogiad parhaus, gwirfoddoli, arwain a chymorth cyfoedion, gan sicrhau bod y buddion yn ymestyn ymhell y tu hwnt i’r gweithgareddau unigol ac yn cyfrannu at les hirdymor y gofalwyr a’r rhai y maent yn gofalu amdanynt.
Dechreuodd y rhaglen yng Nghymru, lle mae wedi cefnogi cannoedd o ofalwyr ifanc i gael profiadau awyr agored ystyrlon. Dros amser, mae wedi datblygu’n fodel sy’n cael ei ailadrodd ar draws sawl rhanbarth yn y DU, gan helpu gwasanaethau i gydnabod antur awyr agored fel offeryn effeithiol ar gyfer gwella lles, lleihau unigrwydd, meithrin gwydnwch a chefnogi canlyniadau bywyd cadarnhaol i ofalwyr ifanc. Trwy’r gwaith hwn, rydym yn helpu creu system gymorth fwy cysylltiedig ac ymatebol, lle mae gofalwyr ifanc yn cael eu cydnabod nid yn unig am eu cyfrifoldebau gofalu, ond fel pobl ifanc â dyheadau, potensial a’r hawl i ffynnu.
Darllenwch ymlaen i ddarganfod mwy am sut mae’r rhaglen yn gweithio, pwy y mae’n ei chefnogi, a sut mae’n ehangu i gyrraedd hyd yn oed mwy o ofalwyr ifanc ar draws y DU.
Mae Rhaglen Antur Gofalwyr Ifanc, a ddatblygwyd gan Y Bartneriaeth Awyr Agored, yn cael ei ddarparu gan swyddogion datblygu ar draws pob rhanbarth yng Nghymru. Mae’n cynnig seibiant ystyrlon i ofalwyr ifanc drwy weithgareddau awyr agored deniadol ac o ansawdd uchel.
Mae’r cyfranogwyr yn gofalwyr ifanc, wedi’u hadnabod a’u cefnogi drwy bartneriaeth agos â gwasanaethau gofalwyr. Mae’r gwasanaethau hyn yn helpu i annog presenoldeb ac yn sicrhau bod darpariaeth ofal briodol ar gael tra bo’r cyfranogwyr yn mwynhau eu sesiynau gweithgareddau.
Mae’r rhaglenni, wedi’u themateiddio o amgylch meysydd fel Tir a Dŵr, yn cynnig mynediad at amrywiaeth o weithgareddau awyr agored. Maent yn tynnu sylw at yr amgylchedd lleol, ymwybyddiaeth amgylcheddol a diogelwch yn yr awyr agored, ac yn aml yn cyflwyno profiadau nad yw gofalwyr ifanc wedi’u cael o’r blaen. Gan ddechrau fel sesiynau blasu, maent bellach wedi datblygu’n breswylfeydd llawn.
Yn dilyn llwyddiant yng Nghymru a dysgu a rennir rhwng y rhanbarthau, mae rhaglenni gofalwyr ifanc bellach wedi datblygu mewn ardaloedd eraill ledled y DU…
Dros yr Haf, ymunodd gofalwyr ifanc â ni fel rhan o raglen ddringo 6 wythnos a ddarparwyd mewn partneriaeth â Warwick Climbing Wall.
Galluogodd y sesiynau y bobl ifanc i ddatblygu eu sgiliau dringo a bouldro ac i gymysgu â gofalwyr ifanc eraill. Tyfodd y grŵp mewn hyder ac mewn gallu drwy gydol y rhaglen, ac mae ganddynt ddiddordeb mewn parhau i ddringo yn y dyfodol. Rydym yn chwilio am gyllid pellach i alluogi hyn.
Am ragor o wybodaeth neu i gymryd rhan, cysylltwch â’n Swyddog Datblygu Gweithgareddau Awyr Agored Coventry, Sarah: sarah.ramsay@outdoorpartnership.co.uk.
I lawer o ofalwyr ifanc yn Swydd Ayr, mae bywyd bob dydd yn canolbwyntio ar gefnogi eraill. Roedd y rhaglen hwylio ar yr iot ‘Taeping’, mewn partneriaeth ag Ocean Sailing Scotland, yn cynnig cyfle i gamu allan o’r drefn, profi antur a darganfod cryfderau newydd.
I nifer, dyma’r tro cyntaf ar iot fawr, ac roedd camu y tu allan i’w parth cysur yn adeiladu gwydnwch a hunanhyder wrth feistroli sgiliau newydd a chymryd cyfrifoldebau anghyfarwydd. Creodd y profiad ffrindiau newydd, atgofion cynnes, sgiliau newydd, a hyder .
Am ragor o wybodaeth neu i gymryd rhan, cysylltwch â’n Swyddog Datblygu Gweithgareddau Awyr Agored Swydd Ayr, Vince: vincent.mcwhirter@outdoorpartnership.co.uk.
Mae’r prosiect hwn yn cefnogi Gofalwyr Ifanc 18–25 oed yn Improving Lives Plymouth, gan helpu i wella hyder, lles corfforol a lles meddwl drwy weithgareddau awyr agored. Mae’r gweithgareddau’n cynnig seibiant o bwysau’r rôl ofalu, gan adeiladu sgiliau, lleihau straen ac annog cysylltiad â natur.
Uchafbwyntiau’r priosect:
- Cwrs boltio (6 wythnos) – Wyth o gyfranogwyr; mae tri bellach yn aelodau annibynnol ac yn dringo’n rheolaidd.
- Llwybr hyder mewn dŵr – O’r pwll dan do, i’r Lido, ac yna i nofio yn y môr.
- Cwrs padlfyrddio (6 wythnos) – Yn y Mount Batten Centre, gan ddatblygu hyder, gwydnwch a sgiliau dŵr.
