Mae’r Rhaglen Iechyd a Lles yn dod â phartneriaid o’r sector awyr agored ac iechyd at ei gilydd i gynyddu gweithgarwch corfforol, gwella iechyd meddwl a chorfforol, a chysylltu pobl â chlybiau a grwpiau lleol sy’n cefnogi ffyrdd o fyw egnïol hirdymor. Trwy’r dull cydweithredol hwn, mae’r rhaglen yn dylanwadu ar sut mae sefydliadau iechyd a chymuned yn gweithio gyda’i gilydd, gan ymgorffori gweithgarwch awyr agored o fewn llwybrau sy’n cefnogi atal, lles ac annibyniaeth.

Gan adeiladu ar y sylfaen dystiolaeth gynyddol ar gyfer presgripsiynu cymdeithasol, mae’r prosiect yn hyrwyddo gweithgarwch fel ymyrraeth iechyd ochr yn ochr â thriniaethau meddygol traddodiadol. Trwy gryfhau partneriaethau a llwybrau atgyfeirio, mae’n helpu sefydliadau i gydnabod ac i ddefnyddio gweithgarwch awyr agored fel offeryn gwerthfawr ar gyfer iechyd a lles, gan newid y ffordd y mae gwasanaethau’n cefnogi pobl i wella a chynnal eu hiechyd.