Eng
Newsletter
Return
Cylchlythyr English

Mae Y Bartneriaeth Awyr Agored yn gweithio gyda chlybiau, ysgolion, unigolion a phartneriaid traws-sector i gryfhau’r amodau sy’n galluogi pobl yng Ngwent i gyflawni eu potensial drwy weithgareddau awyr agored, cyfranogiad, gwirfoddoli, hyfforddiant ac addysg.

A
Brett Mahoney - Swyddog Gweithgareddau Awyr Agored Gwent

Brett yw ein Swyddog Datblygu Gweithgareddau Awyr Agored yng Ngwent. Mae wedi’i leoli’n rhithiol (ond gallwch ddod o hyd iddo yn bennaf yn rhedeg yn y mynyddoedd neu’n dringo ar graig!) ac mae’n gweithio yn ardaloedd Casnewydd, Sir Fynwy, Caerffili, Blaenau Gwent a Thorfaen.

Gallwch gael y wybodaeth ddiweddaraf am yr hyn sy’n digwydd yn ardal Gwent trwy ddilyn cyfrifon cyfryngau cymdeithasol Brett a Phartneriaeth Awyr Agored Gwent:

Instagram: @OutdoorPartnershipGwent
Facebook: Brett Mahoney | Facebook
Eventbrite : The Outdoor Partnership Gwent

Follow us on Instagram / Dilynwch ni ar Instagram

Ers 2021, mae’r Bartneiraeth Awyr Agored wedi dod â phobl a sefydliadau ynghyd ledled rhanbarth Gwent i greu mwy o gyfleoedd ac effaith barhaol. Dyma gipolwg cyflym ar yr hyn rydym wedi’i gyflawni’n ddiweddar…

Therapi Antur

Gan adeiladu ar fodel a ddatblygwyd gyntaf yng Ngogledd Cymru, mae Y Bartneriaeth Awyr Agored wedi bod yn cefnogi pobl sy’n byw gyda seicosis ac amodau iechyd meddwl eraill i ddatblygu gwydnwch a lles drwy weithgareddau awyr agored. Caiff y rhaglen ei darparu mewn partneriaeth â’r Gwasanaeth Ymyrraeth Gynnar ar gyfer Seicosis o fewn Bwrdd Iechyd Prifysgol Aneurin Bevan, gan ddefnyddio profiadau awyr agored i gefnogi adferiad a datblygiad personol.

Yr hyn a ddechreuodd fel partneriaeth gyda gwasanaethau iechyd bellach wedi tyfu’n rhwydwaith cryf o sefydliadau iechyd, cymunedol ac awyr agored ledled Gwent. Trwy rannu dysgu o Ogledd Cymru, mae’r prosiect wedi helpu sefydliadau i weithio’n agosach gyda’i gilydd ac i gydnabod gweithgareddau awyr agored fel rhan effeithiol o gefnogaeth lles. O ganlyniad, mae cyfleoedd awyr agored yn cael eu hymgorffori’n gynyddol yn y ffordd y mae gwasanaethau’n cefnogi pobl, gan greu llwybrau mwy cydgysylltiedig i weithgareddau ledled Parc Cenedlaethol Bannau Brycheiniog ac ymhellach.

Ynghylch Therapi Antur:

Mae Therapi Antur yn cwmpasu amrywiaeth o weithgareddau awyr agored sy’n cynnig her bersonol i unigolion drwy archwilio a darganfod, o fewn amgylchedd diogel a chefnogol. Mae llawer o’r profiadau hyn yn cynnwys gweithgareddau fel trochi mewn dŵr oer ac elfen o risg ganfyddedig (e.e. bod ar uchder) fel dull o dynnu pobl allan o’u hamgylchedd bob dydd, gan greu mannau diogel mewn tirweddau hardd lle gall cyfranogwyr gysylltu â natur wrth ddatblygu a chael profiadau newydd.

Gall cyfranogwyr gael mynediad at ein Rhaglenni Therapi Antur yng Ngwent drwy sefydliadau atgyfeirio sydd wedi cofrestru gyda Choleg Llesiant Gwent: https://www.gwelcol.co.uk/

Therapi Antur Gwent
Dyma fideo sy’n dangos Rhaglen Therapi Antur yng Ngwent.
“I am very grateful for the opportunities Brett and his colleagues at The Outdoor Partnership have facilitated this year. They've made a vast difference to myself and the others that have attended. I've been given the chance to participate in activities that I would've been unlikely to attempt of my own accord, such as Rock Climbing, Canoeing and Paddle boarding. Furthermore, they have helped in pushing me out of my comfort zone which has been great, now I’ll give anything a go. The activities give me something to look forward to and I always feel that afterwards they have had a positive affect on my mood and overall mental health. I’m eagerly anticipating what activities they have planned for us in 2025.”
Cyfranogwr Therapi Antur
Rhaglen Therapi Antur Gwent
Cydraddoldeb, Amrywiaeth a Chynhwysiant

Fel rhan o’n hymrwymiad i Cydraddoldeb, Amrywiaeth a Chynhwysiant, rydym yn gweithio gyda sefydliadau’r trydydd sector a chyrff llywodraethu cenedlaethol i ddatblygu cyfleoedd, adnoddau a hyfforddiant i wella mynediad at weithgareddau awyr agored ledled Gwent a gweddill y DU.

Yn ogystal â’n gwaith strategol, rydym wedi datblygu gweithgareddau a rhaglenni targedig yng Ngwent sy’n cynnig cyfleoedd i grwpiau sydd heb gynrychiolaeth ddigonol brofi grym yr awyr agored, ac rydym wedi gweithio gyda chlybiau awyr agored i gynyddu cynhwysiant ar lefel gymunedol:

  • Rhaglen Seibiant Antur Gofalwyr Ifanc
  • Digwyddiadau Dringo a Llywio i Ferched
  • Darpariaeth Dringo Cynhwysol

Dyma ddolen i fideo o Ofalwyr Ifanc Caerffili ar daith ffordd i Eryri:https://youtu.be/Q3GkE12VEBk?si=Bi1z2G8AG_wy8XDB

Ein Partneriaeth gyda RNIB

Rydyn ni wedi bod yn gweithio gyda’r Royal National Institute of Blind People (RNIB) i ddatblygu cyrsiau hyfforddi Guide Walker a Guide Fell/Trail Runner yma yng Nghymru, gan greu llwybrau cliriach i bobl â nam ar eu golwg gael mynediad hyderus i amgylcheddau mynydd a llwybrau. Cliciwch yma i ddysgu mwy am y sesiynau hyfforddi.

Roedd datblygiad arwyddocaol yn y daith hon yn cynnwys cefnogi Gareth Davies i ddod yn berson cyntaf sy’n byw gyda cholled golwg i gymryd rhan yn Râs Yr Wyddfa. Gwyliwch y clip byr hwn i ddysgu mwy am daith Gareth wrth baratoi ar gyfer y ras.

Mae cyfranogiad Gareth yn anfon neges bwerus am gynhwysiant yn yr awyr agored. Gyda chanllawio medrus a’r gefnogaeth gywir, gall rhedwyr â nam ar eu golwg gael mynediad i amgylcheddau mynydd heriol a chyflawni pethau anhygoel. Mae hyn yn atgyfnerthu un o’n credoau craidd ar draws Y Bartneriaeth Awyr Agored: Mae’r awyr agored ar gyfer pawb.

Gwent Hill Walking
Cyflogadwyedd

Gan adeiladu ar y model Llwybrau i Waith a sefydlwyd gyntaf yng Ngogledd Cymru yn 2010, rydym wedi gweithio gyda rhwydwaith cynyddol o awdurdodau lleol, gwasanaethau cyflogadwyedd, partneriaid iechyd a sefydliadau cymunedol ledled Gwent i greu llwybrau newydd i ddatblygu sgiliau, lles a chyflogaeth.

Trwy ystod o Raglenni Cyflogadwyedd Awyr Agored, gall preswylwyr wella eu hiechyd meddwl a’u lles tra’n ennill sgiliau technegol, profiad awyr agored a chymwysterau cydnabyddedig, gan gynnwys Cymorth Cyntaf Awyr Agored Lefel 3, Cynorthwyydd Dringo Dan Do a Gwobrau Llywio Cenedlaethol.

Mae’r rhaglen wedi helpu i gryfhau cysylltiadau rhwng sefydliadau ac wedi dangos gwerth gweithgareddau awyr agored fel arf ar gyfer cyflogadwyedd, lles a datblygiad personol. O ganlyniad, mae cyfleoedd awyr agored yn cael eu hymgorffori’n gynyddol mewn rhaglenni cymorth ehangach. Un enghraifft yw ein Grŵp Cerdded Mynydd misol, a ddarperir fel rhan o raglen cyflogadwyedd ehangach gyda Torfaen Works a Gwasanaeth Cyffuriau ac Alcohol Gwent, gan gynnig llwybr blaengar i gyfranogwyr wella hyder, ffitrwydd, lles a sgiliau awyr agored tra’n eu cysylltu â chefnogaeth a chyfleoedd parhaus.

“We at Pobl Brothers, would like to thank Brett and The Outdoor Partnership for giving, not only a new perspective on job opportunities in outdoor pursuits, but helping our young people recognise that they are not unique in their struggles in life which has helped build strength to their mental wellbeing, built confidence and recognised new found skills which in turn has given them a new sense of self! Thank you for everything you've done for us Brett.”
Pobl Brothers
Rhaglen Llwybrau i Waith Gwent
Cyfranogiad ar Lawr Gwlad

Yn ogystal â’n rhaglenni ffurfiol, rydym wedi darparu cyfleoedd i bobl o bob oed a gallu gael mynediad i weithgareddau antur yng Ngwent. Mae’r gweithgareddau wedi amrywio o ogofa, beicio mynydd a dringo creigiau, i wersylla gwyllt, cerdded ceunentydd a byw yn y gwyllt. I gael gwybod am weithgareddau blasu sydd ar ddod yn y rhanbarth, dilynwch ein sianeli cyfryngau cymdeithasol yn rhanbarth Gwent.

Addysg Hyfforddwyr

Mae ein Rhaglen Addysg Hyfforddwyr wedi cefnogi gwirfoddolwyr anhygoel mewn clybiau awyr agored yng Ngwent.

Rydym wedi darparu cyllid i wirfoddolwyr i uwchsgilio a chyflawni cymwysterau CLlC i ddatblygu eu clybiau o fewn y gymuned a gwella cyfranogiad llawr gwlad mewn chwaraeon awyr agored.

Eisiau ymuno?

Os hoffech wybod mwy, neu os ydych yn glwb gweithgareddau awyr agored sydd eisiau gymryd rhan, cysylltwch â Brett ar 07706737013 neu brett.mahoney@outdoorpartnership.co.uk.