Ydych chi’n helpu i ofalu am rywun?
Gofalwr di-dâl yw rhywun sy’n gofalu am berthynas, ffrind neu gymydog sy’n sâl, yn fregus, yn anabl, â phryder iechyd meddwl, neu’n cael ei effeithio gan gamddefnyddio sylweddau ac na allai ymdopi heb y cymorth hwnnw.
Mae gofalwr ifanc (o dan 18) neu ofalwr sy’n oedolyn ifanc (18-25) yn rhywun y mae ei fywyd wedi’i gyfyngu oherwydd yr angen i gymryd cyfrifoldeb am aelod o’r teulu oherwydd materion fel uchod.
Mae’r gofal a ddarperir ganddynt yn ddi-dâl.
Rydym bellach wedi ennill Gwobr Efydd Buddsoddwyr mewn Gofalwyr. Mae hyn wedi cynnwys hyfforddiant ar gyfer y tîm staff, diweddaru polisïau a gwella cyfathrebu ar gyfryngau cymdeithasol.
Gobeithiwn fynd ymlaen i weithio tuag at Arian ac Aur yn y dyfodol agos i sicrhau bod ein rhaglenni a’n helusen yn cynnwys pob gofalwr.
Mae ein rhaglen antur gofalwyr ifanc o’r enw AMSER, wedi bod yn mynd ymlaen ledled Cymru ers haf 2023, ac wedi darparu 1175 o gyfleoedd i ofalwyr ifanc roi cynnig ar bob math o weithgareddau, fel byw yn y gwyllt, ogofa, canŵio, beicio mynydd, syrffio a rafftio.
Bydd y rhaglen yn parhau eleni gyda llawer mwy o gyfleoedd ar y gorwel – llawer mwy o hwyl i’w gael!
Sioned Johnstone
Os ydych yn ofalwr di-dâl neu’n meddwl eich bod yn ofalwr di-dâl, cysylltwch â Sioned, a all siarad â chi am gefnogaeth a chymorth a allai fod ar gael.
Gallwch gysylltu â hi ar: sioned.johnstone@outdoorpartnership.co.uk neu ei ffonio ar 07706735791
