Eng
Newsletter
Return
Cylchlythyr English

Mae Y Bartneriaeth Awyr Agored yn gweithio gyda chlybiau, ysgolion, unigolion a phartneriaid traws-sector i gryfhau’r amodau sy’n galluogi pobl yng Ngorllewin Cymru i gyflawni eu potensial drwy weithgareddau awyr agored, cyfranogiad, gwirfoddoli, hyfforddiant ac addysg.

Sioned Thomas - Swyddog Datblygu Gweithgareddau Awyr Agored Ardal Gorllewin Cymru

Sioned Thomas yw ein Swyddog Datblygu Gweithgareddau Awyr Agored yn Ardal Gorllewin Cymru Mae hi’n gweithio ar draws Sir Gaerfyrddin, Neath Port Talbot, Abertawe a Sir Benfro.

Gallwch gadw fyny gyda’r holl sy’n mynd ymlaen yn y rhanbarth drwy ddilyn cyfryngau cymdeithasol Sioned:

Facebook: Sioned Thomas | Facebook
Instagram: Sioned Thomas (@outdoorpartnershipswanseabay) • Instagram photos and videos

Ers 2021, mae Y Bartneriaeth Awyr Agored wedi dod â phobl a sefydliadau ynghyd ledled Gorllewin Cymru i greu mwy o gyfleoedd ac effaith barhaol. Dyma gipolwg cyflym ar yr hyn rydym wedi’i gyflawni’n ddiweddar…

Moondance project
Rhaglen Antur i Oedolion
  • Ers 2025, rydym wedi bod yn cefnogi oedolion o bob oed i gael mynediad at yr awyr agored mewn ardaloedd gwledig yng Ngorllewin Cymru.
  • Dyluniasom raglen o sesiynau blasu gan gynnwys ffotograffiaeth, crefft goed, ioga a chloddio bwyd gwyllt.
  • Yn fwy diweddar, mae’r cyfranogwyr wedi bod yn canolbwyntio ar floc o un gweithgaredd ar y tro, gan ddysgu mwy o sgiliau fel gwneud tân, cerfio llwyau a choginio yn yr awyr agored.
  • Yn fuan, bydd y grŵp yn dechrau ar raglen o ganŵio a chrefft goed, gan ddefnyddio’r sgiliau a ddysgon nhw yn eu sesiynau crefft goed ar eu teithiau canŵio.
  • Mae’r prosiect yn helpu sefydliadau a chymunedau lleol i weld gweithgareddau awyr agored fel rhan bwysig o les, dysgu a chysylltiadau cymdeithasol, gan greu cyfleoedd sy’n parhau y tu hwnt i’r rhaglen ei hun.

Video Rhaglen Antur i Oedolion

Rhaglen Antur i Ofalwyr Ifanc
  • Ers 2023, rydym wedi bod yn darparu cyfleoedd gweithgareddau awyr agored i ofalwyr ifanc yn rhanbarth Gorllewin Cymru.
  • Mae enghreifftiau’n cynnwys hwylfyrddio, dringo dan do, rafftio, adeiladu tîm a chrefft goed. Yn fwy diweddar, mae’r cyfleoedd hyn wedi datblygu i gynnwys preswyliau ac archwilio ymhellach i ffwrdd.
  • Mae’r rhaglen wedi helpu i newid y ffordd y mae sefydliadau yn cefnogi gofalwyr ifanc, gyda gweithgareddau awyr agored yn cael eu cydnabod yn gynyddol fel arf gwerthfawr ar gyfer lles, gwydnwch a datblygiad personol, gan arwain at bartneriaethau cryfach a mwy o gyfleoedd yn cael eu hymgorffori o fewn gwasanaethau.

Cliciwch yma i ddarllen astudiaeth achos sy’n amlygu ein Preswyl Gofalwyr Ifanc 2026 yn Llandysul Paddlers, gan dynnu sylw at yr effaith, y gweithgareddau, y partneriaethau a’r profiadau anhygoel a rennir gan 68 o ofalwyr ifanc o bob cwr o Gymru: Llandysul Residential Case Study 2026

Antur y Ferch Hon

Rydym wedi darparu dros 20 o sesiynau ar draws rhanbarth Bae Abertawe, gan gefnogi mwy na 800 o fenywod a merched i gael mynediad i’r awyr agored. Mae cyfranogwyr wedi rhoi cynnig ar amrywiaeth eang o weithgareddau, gan gynnwys hwylfyrddio, nofio gwyllt, padlo ar fyrddau, darllen mapiau a llywio. Am y ddwy flynedd ddiwethaf, rydym wedi dathlu Diwrnod Rhyngwladol y Menywod drwy weithgareddau awyr agored a siaradwyr gwadd ysbrydoledig, gan arddangos rolau model benywaidd a’u teithiau yn yr awyr agored.

Mae Llandysul Paddlers wedi sefydlu adran benywaidd yn ei chlwb caiacio, gan gynnwys sesiynau penodol, cyrsiau a rhwydwaith cymheiriaid cefnogol. Trwy weithio gyda chlybiau, darparwyr a phartneriaid, mae’r prosiect yn helpu i fynd i’r afael â’r rhwystrau y mae menywod a merched yn eu hwynebu yn y sector awyr agored, gan gynyddu hyder, cynrychiolaeth a chyfleoedd arwain, ac yn annog sefydliadau i greu amgylcheddau mwy cynhwysol a chroesawgar.

Priosect Cyflogadwyedd Antur

Rydym wedi cwblhau prosiect cyflogadwyedd antur gyda Llamau yn Abertawe yn ddiweddar, lle bu pobl ifanc yn cymryd rhan mewn gweithgareddau crefft goedwig a cherdded dan arweiniad.

Cefnogodd y prosiect y cyfranogwyr i feithrin hyder ac i ddatblygu sgiliau newydd drwy brofiadau awyr agored. Fel rhan o’r rhaglen, cafodd y bobl ifanc hefyd y cyfle i weithio tuag at gymwysterau achrededig, gan gynnwys cymorth cyntaf awyr agored.

Diolch enfawr i Ymddiriedolaeth Ieuenctid Heddlu De Cymru am eu cefnogaeth.

Addysg Hyfforddwyr a Chefnogaeth i Glybiau

Mae dros 10 o glybiau wedi ymuno â’n Rhaglen Addysg Hyfforddwyr sydd wedi cefnogi dros 20 o wirfoddolwyr anhygoel o fewn clybiau gweithgareddau awyr agored yr ardal gan gynnwys Clybiau Achub Bywyd Syrffio, Padlo, a Hwylio.

I gael gwybod mwy am ein rhaglen Cefnogi Clybiau, dilynwch y ddolen isod:

Cefnogaeth Clybiau
Gweithgareddau Cymunedol

Dyma rai enghreifftiau o’r gwaith datblygu cymunedol rydym wedi bod yn ei wneud o amgylch rhanbarth Bae Abertawe ers dechrau yn 2021:-

  • Wedi darparu cyfleoedd i bobl ifanc roi cynnig ar amrywiaeth eang o weithgareddau awyr agored yn eu hardaloedd lleol gan gynnwys nofio awyr agored, archwilio pyllau dwr ar lan y môr, fforio a sgiliau darllen map a mordwyo.
  • Hefyd wedi mynychu digwyddiadau megis Gwyl Antur Yr Egin, yr Eisteddfod Genedlaethol, Gŵyl Ffilm Banff i dynnu sylw at y gwaith rydym yn ei wneud ar draws cymunedau Cymru.
  • Cefnogi clybiau gweithgareddau awyr agored lleol dwy ymuno yn eu sesiynau codi sbwriel, Gwyl Afon a digwyddiadau ymgysylltu.

Trwy rwydwaith cynyddol o sefydliadau cymunedol, darparwyr a phartneriaid, mae’r prosiect yn helpu i newid y ffordd y caiff gweithgareddau awyr agored eu gweld a’u defnyddio ar draws y rhanbarth. Mae mwy o sefydliadau bellach yn ymgorffori profiadau awyr agored yn eu rhaglenni cymunedol, lles ac ymgysylltu, gan greu cyfleoedd cynaliadwy a chysylltiadau lleol cryfach.

Cynllun Cymraeg Bant â ni!

Mae Bant a Ni yn raglen gychwynwyd yn 2022. Mae’r prosiect yn bartneriaeth ar draws Canolbarth Cymru ac Ardal Bae Abertawe, i ddatblygu rhwydwaith o hyfforddwyr awyr agored Cymraeg eu hiaith yn y rhanbarthau.

Nôd y prosiect yw cefnogi hyfforddwyr sy’n dysgu Cymraeg i godi hyder yn arwain gweithgareddau awyr agored drwy gyfrwng y Gymraeg drwy sesiynau ymarferol mewn cyd-destunau awyr agored go iawn, yn ogystal â chefnogi siaradwyr Cymraeg sydd â diddordeb ar yr awyr agored i ymuno â’r maes.

Roedd ein sesiwn gyntaf, Padlfyrddio a Pizza yn Llandysul, yn llwyddiant mawr. Ers hynny rydym wedi cynnal cyfleoedd dringo, e-feicio a fforio, a chyda mwy ar y gweill, cofiwch gysylltu â ni os hoffech gymryd rhan!

Antur i Bawb

Mae ein rhaglen Antur i Bawb wedi galluogi pobl â chyfyngiadau symudedd a chyflyrau niwroamrywiol a’u teuluoedd i gael mynediad at amrywiaeth o weithgareddau antur awyr agored.

  • Hyd yn hyn, rydym wedi trefnu sesiynnau Gallu Padlo, Sgïo Eistedd a Beiciau Addasol, dringo cynhwysol a theithiau cerdded cynhwysol.
  • Gŵyl chwaraeon dŵr cynhwysol lle buom yn cydweithio â’r RNLI, Parc Cenedlaethol Sir Benfro, Ross Handling a Cerebra UK.
Peilot Presgripsiwn Cymdeithasol (Cynllun Tir i'r Dŵr)

Cynllun 5 wythnos, yn cyflwyno pobl ifanc o Adferiad (tim EIP) i’r Dŵr a’r Tir.

Buom yn darganfod y môr, llwybrau arfordir, rhaeadrau a coedydd.

Daeth tim rhaglen Coast and Country o ITV Cymru i ymuno â ni am ddiwrnod i gael blas ar ein cynllun!

 

Gwyliwch y fideo isod…
ITV Coast and Country
Eisiau gwybod mwy?

Os hoffech wybod mwy neu os ydych yn glwb gweithgareddau awyr agored a hoffai gymryd rhan, cysylltwch â Sioned ar 07706735791 neu sioned.thomas@outdoorpartnership.co.uk.