Sefydlwyd Pathways to Employment yng Ngogledd Cymru yn 2010 i gefnogi pobl sy’n wynebu rhwystrau i gyflogaeth. Trwy ddefnyddio gweithgareddau awyr agored fel catalydd ar gyfer datblygiad personol, mae’r rhaglen yn helpu cyfranogwyr i feithrin hyder, gwella lles, ennill cymwysterau a symud ymlaen i wirfoddoli, hyfforddiant a gwaith.
Dros amser, mae’r prosiect wedi tyfu’n bartneriaeth gref rhwng cyflogwyr, darparwyr hyfforddiant, sefydliadau cymunedol a chanolfannau awyr agored, gan greu llwybrau mwy hygyrch i ddysgu a chyflogaeth. Trwy alinio datblygiad sgiliau ag anghenion y gweithlu a dangos gwerth gweithgareddau awyr agored, mae’r rhaglen wedi dylanwadu ar sut mae sefydliadau’n adnabod, cefnogi a datblygu talent.
Ers 2010, mae mwy na 1,000 o bobl wedi symud i gyflogaeth gynaliadwy drwy’r rhaglen, gyda 247 o gymwysterau wedi’u hennill a 66 o gyfranogwyr yn symud ymlaen i gyflogaeth amser llawn yn 2025–26 yn unig.
Ein Heffaith
Mae’r priosect wedi rhagori ar ddisgwyliadau yn gyson, gan helpu i greu gweithlu cryfach ac yn fwy cynhwysol o fewn y sector awyr agored ac ymhellach. Ers 2010, mae’r priosect wedi cefnogi dros 1,000 o bobl i sicrhau cyflogaeth gynaliadwy neu symud ymlaen i addysg bellach ac uwch.
Yn 2025–26 yn unig:
- 487 o bobl yn cymryd rhan
- 247 yn ennill cymwysterau
- 160 yn symud ymlaen i ddysgu ac hyfforddiant pellach
- 39 yn dechrau gwirfoddoli
- 66 yn symud i gyflogaeth amser llawn
- 93% o gyfranogwyr yn adrodd gwelliant yn eu lles meddwl
- 100% yn dweud eu bod yn teimlo’n fwy annibynnol
- Adroddwyd hefyd am welliannau mewn iechyd corfforol, ac roedd llawer yn teimlo’n llai unig.
Drwy weithio’n agos gyda chyflogwyr, darparwyr hyfforddiant a chanolfannau awyr agored, rydym yn helpu i adeiladu llwybrau talent cynaliadwy tra’n cynhyrchu dychweliad cymdeithasol o £8.42 am bob £1 a fuddsoddir.
Manteision y Prosiect
1. Yn dileu rhwystrau i gymryd rhan drwy godi hyder a chymhelliant ar gyfer gwaith a gwella'r sgiliau generig sydd eu hangen ar gyflogwyr fel cyfathrebu, gweithio tîm a datrys problemau.
2. Yn datblygu sgiliau galwedigaethol cyfranogwyr a hyrwyddo pwysigrwydd dysgu gydol oes i gyfranogwyr.
3. Sicrhau bod cymwysterau Corff Llywodraethol Cenedlaethol mewn chwaraeon awyr agored yn cael eu hennill.
4. Yn gwella iechyd a lles corfforol a meddyliol drwy fynediad at weithgareddau awyr agored gydol oes
5. Yn sicrhau cyfranogiad uwch mewn grwpiau sydd wedi'u tangynrychioli, gan gynnwys NEETs, menywod, pobl sy'n byw mewn tlodi, profi digartrefedd, pobl ag anableddau a phobl sydd â chyflyrau iechyd sy'n cyfyngu ar waith.
6. Yn annog pobl sy'n ddi-waith i fynd ati i chwilio am waith.
7. Yn gwella lefelau sgiliau unigol i gyd-fynd â'r rhai sy'n ofynnol gan gyflogwyr yn y sector awyr agored, gan gynnwys sgiliau sylfaenol.
8. Sicrhau budd i'r bobol sy'n byw yn y cymunedau mwyaf difreintiedig.
9. Yn helpu i fynd i'r afael â thangyflawni.
10. Yn rhoi dealltwriaeth a gwerthfawrogiad i'r cyfranogwyr o'u hamgylchedd naturiol ar stepen eu drws.
Stori Ryan
Ryan oedd un o’r cyntaf i gymeryd rhan mewn rhaglen Llwybrau i Waith gyda ni, yng Ngogledd Cymru. Mae stori Ryan yn anhygoel, ac rydym mor falch o fod wedi chwarae rhan fach yn ei siwrnau.
Gwyliwch y fideo isod o ddysgu mwy:
