Mae Y Bartneriaeth Awyr Agored yn gweithio gyda chlybiau, ysgolion, unigolion a phartneriaid traws-sector i gryfhau’r amodau sy’n galluogi pobl yng Nghanolbarth Cymru i gyflawni eu potensial drwy weithgareddau awyr agored, cyfranogiad, gwirfoddoli, hyfforddiant ac addysg.
Bethan Logan yw ein Swyddog Datblygu Gweithgareddau Awyr Agored yng Nganolbarth Cymru. Mae wedi’i lleoli yn rhithiol ac mae’n gweithio ar draws Powy a Cerdigion.
Os hoffech wybod mwy neu os ydych yn glwb gweithgareddau awyr agored a hoffai gymryd rhan, cysylltwch â Bethan ar 07706734285 neu bethan.logan@partneriaethawyragored.co.uk.
Gallwch hefyd gadw i fyny gyda’r diweddaraf drwy ddilyn tudalen Facebook Canolbarth Cymru.
Ers 2021, mae Y Bartneriaeth Awyr Agored wedi dod â phobl a sefydliadau ynghyd ledled Canolbarth Cymru i greu mwy o gyfleoedd ac effaith barhaol. Dyma gipolwg cyflym ar yr hyn rydym wedi’i gyflawni’n ddiweddar…
Mae’r manteision o gymryd rhan mewn gweithgareddau awyr agored ar gyfer ein hiechyd corfforol a meddyliol yn hysbys iawn, ac mae’r Bartneriaeth Awyr Agored wedi rhedeg nifer o raglenni cerdded a therapi antur llwyddiannus yng Nghanolbarth Cymru ers 2021.
Mae’r rhaglenni hyn yn galluogi pobl i gysylltu ag eraill, dysgu sgiliau newydd ac ennill mynediad at weithgareddau awyr agored nad oedden nhw erioed wedi’u profi o’r blaen—gan adael, gobeithio, gyda chariad at yr awyr agored a fydd yn aros gyda nhw am oes. Mae rhai cyfranogwyr sydd wedi dechrau ar un o’n rhaglenni wedi mynd ymlaen i gymhwyso fel Arweinwyr Bryniau a Gweundir, ac mae rhai hyd yn oed wedi cyrraedd Gwersyll Sylfaen Everest!
Astudiaeth Achos: Mynychodd Louise Bufton un o’r rhaglenni iechyd a lles yn y Drenewydd yn wreiddiol, ac ers hynny mae wedi mynd ar anturiaethau i’r Himalaia – gan gynnwys Gwersyll Sylfaen Everest, mae’n Llysgennad Gwirfoddol i’r Bartneriaeth Awyr Agored c yn gweithio tuag at ei Chymhwyster Arweinydd Bryniau a Gweundir.
Diolch i gyllid gan Gronfa Arloesi Partneriaeth Chwaraeon Canolbarth Cymru, rydym yn falch o gyhoeddi bod rhaglen gerdded a dringo dan do 12‑wythnos arall yn cael ei chynnal yn Aberhonddu ar gyfer pobl dros 18 oed sy’n dymuno gwella eu hiechyd a’u lles. Bydd y rhaglen yn dechrau ym mis Awst 2026 ac yn rhedeg tan fis Hydref. Mae gennym hefyd raglen Therapi Antur yn dechrau ym mis Mawrth 2027, mewn partneriaeth ag Uned Ymyrraeth Gynnar Seicosis Hywel Dda.
Mae mynediad teg i’r awyr agored wrth wraidd popeth a wnawn. Yng Nghanolbarth Cymru, rydym yn gweithio gyda phobl anabl, darparwyr gweithgareddau, grwpiau eiriolaeth a sefydliadau cymunedol i ddileu rhwystrau a chreu cyfleoedd mwy cynhwysol i gael mynediad i’r awyr agored. Ynghyd â darparu prosiectau penodol i bobl anabl a rhaglenni cynhwysol, rydym yn cefnogi sefydliadau i ddatblygu’r sgiliau, yr hyder a’r adnoddau sydd eu hangen i wneud gweithgareddau awyr agored yn hygyrch fel rhan o’u cynnig parhaus.
Trwy hyfforddiant, dysgu ar y cyd a mynediad at offer arbenigol, mae darparwyr lleol yn ymgorffori arfer cynhwysol yn gynyddol yn y ffordd y maent yn dylunio ac yn darparu gweithgareddau. Er enghraifft, mae hyfforddiant Climbing for All a chefnogaeth gyda chyfarpar addasol wedi helpu i gryfhau darpariaeth dringo cynhwysol yng Nghanolfan Aml-weithgareddau Llangors. Ar ôl cynnal ein Clwb Dringo Cynhwysol am dros ddwy flynedd, mae’r ganolfan bellach yn darparu cyfleoedd yn rheolaidd i ddringwyr anabl o’r clwb a’r gymuned ehangach. Gwyliwch yr hyn y gallant ei gynnig– Clwb Dringo Cynhwysol Powys a Gwent.
Diolch i gyllid gan NRW, mae Canolbarth Cymru yn falch o fod yn gartref i gadair olwyn pob tir – y Mountain Trike – sy’n hygyrch i unrhyw ddarparwr yn yr ardal sy’n dymuno gwneud eu gweithgareddau’n hygyrch i ddefnyddwyr cadeiriau olwyn.
Roedden ni eisiau arddangos yr holl gyfleoedd cynhwysol sydd ar gael yn yr ardal, ac yn ffodus, roedd un o’n rheolwyr, Cerys, yn barod am yr her…
Un o’r ffyrdd gorau o fynd i mewn i weithgareddau awyr agored yw drwy eich clwb lleol. Rydym yn cefnogi clybiau gweithgareddau lleol gyda addysg_hyfforddwyr ar gyfer eu gwirfoddolwyr, gan ein bod yn gwybod na fyddem yn gallu gwneud yr hyn a wnawn heb y gwaith caled a’r ymroddiad y mae cymaint o bobl yn ei roi drwy wirfoddoli eu hamser ac egni bob wythnos.
Hyd yma, rydym wedi cefnogi gwirfoddolwyr o glybiau padlo, dringo, beicio cynhwysol a phadlefwrdd ar draws Canolbarth Cymru i ennill cymwysterau Cymorth Cyntaf a chymwysterau hyfforddi sy’n benodol i’w disgyblaethau.
Making a Splash – Diolch i waith caled un o’n llysgennad gwirfoddol, Hannah Hancock, mewn partneriaeth â llysgennad Gorllewin Cymru a graddedig astudiaethau ffilm antur, Caitlin Longden, mae ffilm wedi’i chreu i ddangos sut mae clwb Hannah, Clwb Canŵo Y Trallwng, yn gynhwysol i’w haelodau a’i hyfforddwyr niwrowahanol. Edrychwch yma – Padlo Niwrowahanol yn Y Trallwng.
I gael gwybod mwy, ewch i’r dudalen isod.
Mae Bant â Ni (“Let’s go!”) yn dod â hyfforddwyr awyr agored a selogion sy’n siarad neu’n dysgu Cymraeg ynghyd, gan helpu i gynyddu’r defnydd o’r Gymraeg ar draws y sector awyr agored ym Mae Abertawe a Chanolbarth Cymru.
Trwy sesiynau gweithgaredd anffurfiol, gan gynnwys padlo ar fyrddau, dringo, heicio a chrwydro ogofâu, mae cyfranogwyr yn datblygu eu Cymraeg mewn lleoliadau awyr agored go iawn wrth adeiladu rhwydweithiau cymdeithasol a phroffesiynol parhaol. Yn fwy na sesiynau gweithgaredd yn unig, mae Bant â Ni yn helpu i greu diwylliant lle mae’r Gymraeg yn cael ei defnyddio, ei gwerthfawrogi a’i hyrwyddo’n gynyddol o fewn hamdden awyr agored, gan roi mwy o hyder i hyfforddwyr a sefydliadau i gynnig cyfleoedd Cymraeg ac yn gwneud y sector yn fwy hygyrch i siaradwyr a dysgwyr fel ei gilydd.
Cliciwch yma i gael gwybod mwy.
Cysylltwch â ni gan ddefnyddio’r manylion cyswllt ar dop y dudalen os hoffech gymryd rhan.
Nid yw byth yn rhy gynnar nac yn rhy hwyr i ddechrau eich anturiaethau awyr agored, ac i rai grwpiau mae mynediad at yr awyr agored hyd yn oed yn fwy hanfodol ar gyfer iechyd a lles. Dros y blynyddoedd, rydym wedi cynnig sesiynau blasu mewn bron pob gweithgaredd awyr agored dan haul, ar y dŵr ac o dan y ddaear i anturiaethwyr ifanc a hyn yng Nghanolbarth Cymru. Mae hyn wedi cynnwys prosiect a ariennir gan Children in Need i fynd i’r afael ag unigedd gwledig gyda ffocws ar weithgareddau dŵr a diogelwch dŵr, ochr yn ochr â rhanbarth Gorllewin Cymru, yn ogystal â sesiynau i’r tîm Plant sy’n Derbyn Gofal ac i Wasanaeth Ieuenctid Ceredigion.
Mae ein rhaglen Cymru gyfan ar gyfer gofalwyr di‑dâl, a ariennir gan Short Breaks, wedi mynd o nerth i nerth dros y tair blynedd diwethaf, gyda gofalwyr yn herio eu hunain mewn gweithgareddau o gerdded ceunant i ddringo ac unrhyw beth rhyngddynt. Ein gobaith yw parhau i gynnig sesiynau awyr agored a phreswyl i ddarparu seibiant hanfodol, cyfleoedd cymdeithasol ac antur y gall gofalwyr ifanc golli allan arnynt.
Ar yr un pryd, nid ydym am i’r rhai iau gael yr holl hwyl. Nid yw byth yn rhy hwyr i ddarganfod gweithgaredd awyr agored newydd, cwrdd â phobl o’r un anian neu archwilio’r tirweddau naturiol ar eich stepen drws.
Dyna’n union mae’r grŵp 60+ yn Llanfair‑ym‑Muallt wedi bod yn ei wneud, diolch i gyllid gan y Moondance Foundation a Simon Gibson Charitable Trust ac arweiniad Sarah Price Hiking.
Gallwch ddarganfod mwy am eu gweithgareddau a chofrestru ar gyfer taith gerdded yma — 60+ Walks in Builth with Outdoor Partnership & Sarah Price Hiking.
Er bod menywod a rhyweddau ymylol eraill yn sicr yn mynd allan ac yn archwilio gweithgareddau awyr agored yng Nghanolbarth Cymru, maent yn dal i fod yn anghynrychioliedig mewn llawer o weithgareddau. Wrth archwilio pam, gwelsom fod ychydig iawn o hyfforddwyr benywaidd yn gweithio yn y diwydiant i weithredu fel modelau rôl. Rydym eisiau newid hynny drwy amlygu llwyddiannau’r rhai sydd wedi cyrraedd cymwysterau lefel uchel ac sy’n helpu i symud y balans yn ôl tuag at cydraddoldeb, rhywedd, ac drwy gefnogi mwy o fenywod, menywod traws a phobl anneuaidd i fynd i mewn i weithgareddau awyr agored ac, os dymunant, datblygu’r sgiliau a’r profiad i ddod yn hyfforddwyr eu hunain.
Dyma sut y ffurfiwyd yr ‘Outdoor Collective’ – grŵp o fenywod a phobl anneuaidd sy’n byw yn Ne Powys a Gwent sydd eisiau dod at ei gilydd, cymryd rhan mewn gweithgareddau awyr agored a rhannu straeon ysbrydoledig. Mae eu hanturiaethau diweddar wedi cynnwys cerdded mynyddoedd, canŵio ac, yn fwy diweddar, cwrs datblygu dringo, oll wedi’u hariannu gan Sport Powys.
Gallwch ddarllen mwy am y cwrs a’i lwyddiant yma —Outdoor Climbing Development Case Study
Mae llawer o bobl ifanc yng Nghanolbarth Cymru yn gadael yr ardal i ddod o hyd i gyrsiau a hyfforddiant arbenigol mewn mannau eraill, ac ar yr un pryd mae’r diwydiant awyr agored ffyniannus yng Nghymru mewn angen dybryd am fwy o hyfforddwyr awyr agored cymwys ac â phrofiad. Yn anffodus, mae’r rhan fwyaf o gyrsiau awyr agored yng Nghymru wedi gorfod cau oherwydd diffyg niferoedd neu gyllid, ac mae canolfannau awyr agored yn yr ardal yn aml yn methu cynnig prentisiaethau oherwydd pwysau cynyddol ar eu cyllidebau.
Diolch i gyllid gan Moondance a Chronfa Arloesi Partneriaeth Chwaraeon Canolbarth Cymru, rydym wedi gallu cynnig cyrsiau sgiliau arweinyddiaeth awyr agored ym Mhowys ac yng Ngheredigion yn 2026–27. Bydd y rhain yn darparu’r cam hanfodol cyntaf i bobl ifanc gael mynediad at hyfforddiant a phrofiad a all agor y drws i yrfa yn yr awyr agored. Mae The Outdoor Partnership wedi bod yn gweithio gyda Hywel Dda a Gwasanaeth Ieuenctid Ceredigion i sicrhau bod y cyfleoedd hyn ar gael i’r rhai na fyddent fel arall yn gallu manteisio arnynt, gyda chludiant, offer, llety, hyfforddiant a bwyd i gyd wedi’u darparu, yn ogystal ag arweiniad gan swyddogion datblygu profiadol.
Os hoffech wybod mwy, neu os ydych yn glwb gweithgareddau awyr agored sydd eisiau cymryd rhan, cysylltwch â Bethan ar 07706734285 neu bethan.logan@outdoorpartnership.co.uk.
