“Mae llwyddiant  CAM dros y 15 mlynedd diwethaf oherwydd angerdd cyfunol ei holl elfennau. Yn gyntaf oll, gan y dringwyr ifanc y mae’n eu gwasanaethu – eu hymateb i gyfle a chyfrifoldeb. Mae’n gofyn am ymddiriedaeth rhieni, i’r clwb ddatblygu potensial eu plant, trwy ddysgu antur, gyda’i risgiau tybiedig. Mae tîm gwirfoddolwyr y clwb yn wych ac yn cael eu denu oherwydd brwdfrydedd dringwyr ifanc. Mae’r waliau dringo lleol, yr Indy a’r Beacon, yn enwedig yr Indy, a Jon Ratcliffe a’i dîm yno, yn caniatáu i’r clwb weithredu lle mae dringwyr ifanc yn cael eu datblygu yn eu gweithgaredd a’r risgiau cysylltiedig. Gyda cefnogaeth YBAA, a chefnogaeth i addysgu hyfforddwyr mae’n sylfaen llwyddianus.

Ian Henderson, Bari Jones, Pete Edwards a Gaz Davies yw gwirfoddolwyr craidd y clwb. Yr Indy yw ein cartref. Hebddyn nhw, nid oes clwb.

O’m rhan i, rwy’n ymdrechu i rannu fy angerdd am ddringo, cyfathrebu a gyrru ethos y clwb, “dringo fel ninja a rhannu eich dringo,” hynny a “mae anturiaethau allan yna.” Yn baradocsaidd mae’r clwb yn treulio oriau lawer “tu mewn” ond mae hynny yn gosod datblygiad i’r sylfeini ar gyfer llwyddiant “tu allan”. Nid wyf yn golygu anturiaethau dringo yn unig, mae’n agwedd dda wrth wynebu heriau bywyd gyda hyder, hunan-barch ac effeithiolrwydd.

Sut ydw i ynghlwm a CAM?

Yn 2006, cynigiodd Aled Edwards, Swyddog Datblygu Awyr Agored cyntaf Ynys Môn, 2 sesiwn blasu, yn wal ddringo Canolfan Conway, i ddisgyblion blwyddyn 9 Ysgol David Hughes. Aeth fy mab Joseph i’r ddwy sesiwn ac fe es i helpu. Trefnwyd sesiynau pellach yn yr Indy.

Cymrerodd Tudur Owen drosodd rôl swyddog awyr agored Môn a rhyngom ni fe gychwynom CAM. Cefais fy enwebu’n Gadeirydd ac rwyf wedi parhau yn y rôl ers hynny.

Am flynyddoedd lawer bues i’n dysgu ym Mwthyn Ogwen, ac roedd hyn yn golygu y gallwn ymrwymo i nosweithiau Gwener rheolaidd i’r clwb.

Roedd gwirfoddolwyr allweddol eraill, Ian a Bari, yn rhan o’r tîm yn fuan ac roeddem yn cynnal 40+ sesiwn y flwyddyn, yn bennaf yn yr Indy, ond y Beacon a’r awyr agored hefyd.

Gyda chefnogaeth gan Ogwen fe gynigion ni raglenni wythnos yn yr haf i aelodau’r clwb, un ym Mwthyn Ogwen a sawl taith flynyddol i Sir Benfro. Cafodd nifer o aelodau lefydd â chymorth hefyd ar gyrsiau ym Mhlas y Brenin.

Dyma ychydig o straeon am sut mae’r clwb wedi llunio bywydau:

Bari Jones: dringwr amatur a rhiant/wirfoddolwr, sydd bellach yn berchennog/gweithredwr Ropeworks Active, Llanberis.

Jill Reinsch: wedi graddio ym Mhrifysgol Bangor, 5 mlynedd yn wirfoddolwr CAM, gradd Meistr, athro, MCI ac sydd bellach yn Diwtor yng Nghanolfan Conwy.

Lewis Perrin-Williams: ymunodd yn 13 oed, pan ddaeth myfyrwyr y cwrs BTEC yng Ngholeg Menai, â chriw o fyfyrwyr i wirfoddoli.  Bellach mae’n ddringwr blaenllaw yng ngwobrau Gwirfoddolwyr Ieuenctid Gogledd Cymru a BMC.

Megan Bown: Gwirfoddoli gyda Coleg Menai yn 16 oed, a bellach ar Gynllun Datblygu Hyfforddwyr Glenmore Lodge.

Alis Jones: ymunodd yn 11 oed, yn 10 uchaf yn y DU yng Nghyfres Dringo Ieuenctid y BMC yn 16 oed. Newydd raddio o Harvard, ac rwyf wedi ysgrifennu ei geirda ar gyfer trac cyflym y Gwasanaeth Sifil. Cyn iddi fynd i Goleg y Byd Unedig, Hong Kong, yn 17 oed, fe ddringon ni A Dream of White Horses yng Ngogarth.

Pete Edwards: gwirfoddolodd gyda’r clwb pan oedd yn gweithio yn y siop ym Mhlas y Brenin. Un o wirfoddolwyr allweddol y clwb, sydd bellach â gradd Meistr mewn perfformiad hyfforddi ac yn rhedeg cwmni Prowess Coaching.

Bu’n allweddol wrth ddarparu ymchwil Prifysgol Bangor a roddodd y dystiolaeth angenrheidiol ar gyfer angen sefydliad a arweiniodd at ariannu’r swyddog Bartneriaeth Awyr Agored Gogledd Orllewin Cymru yn 2002/03 am y tair blynedd gyntaf.
Wedi hynny, cynrychiolodd Prifysgol Bangor a Cyngor Gwynedd ar Grŵp Rhanddeiliaid y Bartneriaeth. Parhaodd i gefnogi gwaith y Bartneriaeth fel Rheolwr Gyfarwyddwr Cwmni Byw’n Iach, y corff sydd yn cyflogi Swyddog Awyr Agored yng Ngwynedd.

Yn 2011 pan ffurfiwyd y cwmni presennol roedd yn gyfarwyddwr sefydlol ac wedyn yn ymddiriedolwr pan ddaeth YBAA yn Elusen.
Mae hi yn gyn-Gadeirydd YBAA ac roedd yn Gyfarwyddwr Datblygu hyd at 2021 pan ymddeolodd o’r bwrdd. Mae ei chyfraniad i lwyddiant parhaus YBAA wedi bod yn aruthrol.

Mae wrth ei bodd yn cerdded mynyddoedd Eryri, seiclo (ar y fflat) yn ogystal a hwylio a sgïo pan mae’r cyfle’n codi.

Cymhwysodd fel athro yng Ngholeg Loughborough yn 1971. Yn 1973 symudodd o addysgu i’r diwydiant hamdden awdurdodau lleol datblygol gan reoli theatrau, canolfan hamdden a phyllau nofio. Symudodd i Ogledd Cymru yn 1986 lle bu’n gweithio am 23 mlynedd nes ymddeol fel Pennaeth Hamdden a Datblygu Cymunedol Cyngor Conwy. Mae ganddo wobr Arweinydd Mynydd ac mae ganddo Radd Anrhydeddus gan Brifysgol Loughborough. .
O 1977 hyd 1991 bu yn cyfeiriannu ar lefel genedlaethol a rhyngwladol gan gynnwys cyfnod fel capten Cyfeiriannu Cymru. Mae hefyd wedi cynrychioli Prydain Fawr yng ngweithgaredd ceffylau TREC. Mae ei ddiddordebau awyr agored yn niferus a thros y blynyddoedd wedi cynnwys rhedeg mynyddoedd, dringo, mynydda gaeaf ac Achub Mynydd. Erbyn hyn mae Paul yn rhedeg tyddyn ym Metws yn Rhos ar gyfer ceffylau a defaid brîd prin gyda’i wraig, Jenni.

“Rwyf wedi bod yn athro, yn ddarlithydd ac yn hyfforddwr gweithgareddau awyr agored ac yn berchennog cwmni ymgynghori technegol, yn darparu hyfforddiant, ymgynghoriaeth dechnegol a chaiacio ledled y byd, a cyfleoedd cerdded a mynydda.

Roeddwn hefyd yn arolygydd llawrydd i’r Awdurdod Trwyddedu Gweithgareddau Anturus, Adventuremark, Bathodyn Ansawdd Dysgu y Tu Allan i’r Ystafell Ddosbarth, Canŵio Prydain, Canoe Wales a Guernsey Health and Safety Executive.

Rôlau eraill gan gynnwys:

• Swyddog Sicrhau Ansawdd ar gyfer Canŵio Cymru a Canŵio Prydain Cymru;
• Arweinydd Alldaith ar gyfer Adventureworks, Jagged Globe, Alldeithiau Outlook ac Alldeithiau Oceanwide;
• Rheolwr Datblygu Proffesiynol ar gyfer y Sefydliad Dysgu Awyr Agored;
• Rheolwr Prosiect ar gyfer Grŵp Diwydiant Antur y DU (UKAIG) HSE/AALA ADOLYGIAD Opsiwn 3 Cynnig ac AdventureSmart

Yn ogystal, rwyf wedi dal y swyddi canlynol:

• Cadeirydd a/neu Ysgrifenyddiaeth Sefydliad Twristiaeth Antur Cymru, AdventureSmart, Cynghrair Awyr Agored Cymru, Pwyllgor Hyfforddi a Chystadlaethau Cenedlaethol Canŵio Cymru, Grŵp Trawsbleidiol Llywodraeth Cymru ar gyfer y Sector Gweithgareddau Awyr Agored;
• Cyfarwyddwr Gweithredol Cymdeithas Arweinwyr Mynydd Rhyngwladol Prydain (BAIML), Canŵio Cymru a Chynghrair Twristiaeth Cymru;
• Aelod o Fwrdd Cynghori Twristiaeth Llywodraeth Cymru; Mountain Training Cymru, Mountain Training UK ac Undeb Arweinwyr Mynydd Rhyngwladol (yn cynrychioli BAIML)
• Cyngor / Pwyllgor / Aelod Grŵp o Gyngor Cynghori’r Diwydiant Gweithgareddau Antur, UKAIG, Adventure UK a Grŵp Hyfforddi a Strategaeth Canŵio Prydain.

Rwy’n parhau i redeg fy musnes ymgynghori technegol fy hun; arwain teithiau mynydda, a cadeirio Sefydliad Twristiaeth Antur Cymru (WATO) a Outdoor Alliance Wales (OAW) a cyd-reoli’r strategaeth AdventureSmart i annog pobl i fynd allan, cael amser da a dod yn ôl yn ddiogel.”