Pellter: 2.3 milltir / 3.6km

Hyd: 2 awr

Disgrifiad: Mae’r daith gerdded yn serth mewn rhai rhannau ac mae angen gofal ar y llwybr garw wrth ddringo i fyny. Mae’r golygfeydd yn wych ar ôl cyraedd, a’r daith i lawr yn dipyn haws ar y ffordd yn ôl gyda cherdded hamddenol ar hyd traciau clir. Sicrhewch fod gennych esgidiau addas. Nid yw’r daith gerdded hon yn addas mewn amodau gwyntog.

Man cychwyn: maes parcio Llanbedrog ger y traeth – safle Yr Ymddiriedolaeth Genedlaethol  (LL53 7TT). Mae bysiau 17, 17B a 18 i gyd yn mynd trwy Lanbedrog.

• Mae’r daith yn dechrau o’r maes parcio. Mae toiled cyhoeddus ar gael os byddwch yn troi i’r chwith allan o’r maes parcio tuag at y traeth.
• Wrth adael y maes parcio, croeswch dros y ffordd a cherdded yn syth i fyny’r ffordd i Blas Glyn y Weddw. Byddwch yn mynd heibio prif dŷ y Plas, sydd ag oriel gelf a chaffi, y ddau ar agor i’r cyhoedd.
• Dilynwch y llwybr wedi’i arwyddo (llwybr arfordir) sy’n codi’n raddol drwy’r goedwig. Mae’n mynd yn serth wrth i chi gyrraedd y copa, gyda grisiau ar gyfer rhan olaf i gyrraedd y cerflun o ddyn tin. Gyda golygfeydd gwych ar y copa, mae’n le perffaith am saib ac i dynnu llyniau.
• Cariwch ymlaen heibio y cerflun ar hyd lwybr amlwg. Rydych ar Fynydd Tir Cwmwd, ac mae’r llwybr arfordir yn parhau o amgylch y pentir yma, gan ddisgyn yn raddol ar yr ochr draw.
• Wrth gyrraedd y gwaelod byddwch yn gadael y llwybr mynydd ac yn dilyn y trac gan gadw i’r dde, ac mae’r trac yn troi yn lon darmac. Dilynwch hwn a byddwch yn mynd heibio tai yn rhan uchaf y pentref cyn dod i lawr yr allt i neuadd yr eglwys. Trowch i’r dde eto ar hyd ffordd y traeth sy’n dychwelyd i’r maes parcio