Pellter: 4 milltir

Hyd: 2 awr

Disgrifiad: Yn weddol wastad, o amgylch llyn a thrwy goedwig yn yr hanner cyntaf, gyda dringfa fach (150m) ar yr ail hanner. Llwybr clir ar hyd y ffordd. Bydd angen esgidiau cyfforddus gyda gafael da ar gyfer y tir anwastad.

Man cychwyn: Maes Parcio Parc Cenedlaethol Eryri – Rhyd Ddu (LL54 6TN). Ar lwybr bws S3 Sherpa.

• Croeswch y ffordd o’r maes parcio, ac ewch drwy’r giât haearn nodweddiadol. Dilynwch y prif lwybr amlwg, a pharhewch nes i chi fynd dros bont droed gyda giât ar bob pen. Yn fuan wedi’r bont, mae’r trac yn hollti; gwnewch yn siŵr eich bod yn mynd ar y  llwybr yn parhau i’r chwith, sy’n mynd â chi ar hyd glan Llyn y Gadair.
• Bydd yn llwybr amlwg o’ch blaen, yn dilyn o gwmpas Llyn y Gadair, ac yn gwyro i’r chwith. Yna ewch drwy giât ac i mewn i ardal y goedwig. Dyma Goedwig Beddgelert , coedwig llydanddail a choniffer.  Pan yn cyrraedd y gyffordd nesaf, cadwch i’r chwith eto a dilynwch y trac wrth iddo fynd ychydig i lawr allt a thrwy giât sy’n croesi’r rheilffordd. Yna rydych wedi cyrraedd Pont Cae Gors.
• Ym Mhont Cae Gors, croeswch y brif ffordd, trwy’r giât ar yr ochr arall a throi i’r chwith. Dilynwch y trac clir eto sy’n dilyn y ffrwd ar eich dde. Wrth i chi gyclhu o amgylch adeiladau’r fferm (Fridd Uchaf) i’w gweld ar eich dde, byddwch yn dechrau mynd i fyny’r allt. Dilynwch y llwybr i fyny’r allt nes cyrraedd croesffordd amlwg. Dyma bwynt uchaf y daith.
• Trowch i’r chwith yn y groesffordd ac yn fuan, byddwch yn mynd trwy giât mewn wal garreg fawr. Cariwch ymlaen i lawr y llwybr amlwg wrth iddo fynd i lawr yr allt yn raddol. Dyma’r llwybr i lawr o’r Wyddfa, a bydd yn mynd â chi yr holl ffordd i lawr i’r maes parcio lle gwnaethoch ddechrau’r daith.

Gallwch ddysgu llawer mwy o hanes a gwybodaeth am y llwybr hwn drwy ddarllen erthygl Llio.

Mae Llio yn Llysgennad Gwirfoddol ar gyfer y Bartneriaeth Awyr Agored ac wrth ei bodd yn creu llwybrau a theithiau cerdded o amgylch Dyffryn Nantlle i rannu gyda phobl a dysgu mwy am hanes cyfoethog yr ardal.